【假日限定】大角嘴五金工程街秒變藝術街道!利奧坊對出驚現7幅巨型港產電影主題鐵閘壁畫!

【#星期日限定】近年,唔少地區都加入藝術創作,新界區更有一個個藝術村,壁畫分佈於村內每個角落,吸引唔少人關注,甚至拍拖兩個人前往影相打卡。而事實上,壁畫不僅只限於新界藝術村,連市區一樣存在,今次編輯於九龍區亦找尋到一個假日限定影相位,7幅巨型藝術壁畫竟然出現於五金工程店舖鐵閘上,平日未必見到,只有假日店舖關門時先會出現,每個鐵閘上嘅壁畫更以香港電影為主題,甚有意思!