【#良心餃子】本地人似乎都喜愛食手工餃子，價錢平又夠飽肚，而且款式多變，元朗就有一間相當受街坊歡迎嘅手工餃子專門店，以即包手工餃子聞名，更特別之處係餡料豐富，並非單單係鮮肉餃或韭菜餃，倘若拍拖兩個人係餃子迷，就要去試試呢間餃子店啦！

【#酸辣米線】提到四川麻辣米線或酸辣米線，通常都難以搵到合心水嘅食店，單靠招牌豬扒配酸辣、麻辣湯底相當足料，一碗已經足以滿足街坊胃口，如果拍拖兩個人行過西營盤，亦不妨一試呢啲街坊餐廳。

【#高水準丼飯】由北角、西環開到大角嘴嘅活一鮮日式料理店，以魚生丼飯為主打，從外面觀察，隨時以為係高級料理店，但事實上內裏係一間價錢相宜嘅丼飯、定食店，大多數套餐人均都唔超過$100，適合拍拖兩個人去試一試。

【#台式便當】灣仔有一間熱門台灣菜自從開設後都受到歡迎，包括獨家牛燥飯、台灣牛肉麵、台式便當、麻辣鴨血、台式茶飲等菜式，近月業務擴張，正式於荃灣開設分店試業，落戶於光榮冰室隔壁，拍拖兩個人想食都唔需要再去灣仔同人逼啦。

【#地牢石燒牛】要數只能夠堂食嘅類別，除咗拉麵重有咩？事實上，日式石燒牛扒同拉麵一樣，都係一種無得外賣、只能堂食嘅類別，如果拍拖兩個人無得堂食，睇怕之後都食唔到，謹記好好珍惜剩低可以堂食嘅日子呀！中環有一間平價日式石燒牛扒，100g牛扒最平只係$48，豬牛羊雞任君選擇，適合食肉獸。

【#冬蔭功車仔麵】上水匯背後向來係美食區，有多間小店可為拍拖兩個人提供選擇，編輯亦曾嘗試幾間小店，但通常都係走向符興街右邊方向，今次就向符興街左邊方向找尋小店，當中有一間以售賣車仔麵為主嘅麵檔，以中泰式為主打，店名「亞來」亦恍惚似泰文發音。