【區區有小店】大角嘴美食巡禮2023!一文睇清小區推介43間尚存本土餐廳!

【#區區有小店】近年,香港不斷有餐廳宣佈結業,唔少有質素嘅餐廳都逐步消失,同香港講拜拜,本地尚存嘅小店數目愈來愈少。今次編輯就一次過總結返我哋實試過嘅餐廳推介,結合現時仍然有嘅餐廳美食,方便大家繼續支持本土小店,第一炮先找尋大角嘴尚存嘅本土餐廳。

Food Court唯一!奧海城商場內平價餃子餐 日式湯底隻隻餡料豐富

大角嘴 奧海城Food Court 想餃就餃

【#foodcourt唯一】有一段時候,編輯連商場Food Court都被禁止進入,近月終於可以自由進出唔少地方,決定帶大家拍拖兩個人走入一個又一個曾經被禁止嘅地方。當中,Food Court同街市熟食中心一樣,雖然價格相宜,但通常係難以找尋合適小店,今次就以奧海城商場頂樓大食代Food Court為例,成個場就只有一間餃子店值得大家嘗試!