傲視青馬大橋全景!青龍頭起步登深井沉澱塘 山頂連環瞰四橋景 清快塘農莊窺探睡蓮

深井沉澱塘+大欖+清快塘

【#青馬全景】上次編輯於夏季帶大家走過深井村,適逢踏入秋天,即管帶大家拍拖兩個人走上山,找尋鮮有人走過嘅山路。路段可以觀望青馬大橋全景,而且路段可連環眺望,青馬大橋、汲水門大橋、汀九橋,甚至遠啲嘅昂船洲大橋。山路亦可連接元荃古道、清快塘村、圓墩、大欖郊野公園,而且係一道正式郊遊徑,即使瞓晏咗,3點至4點出發都可以步行嘅路線。