【區區有小店】菜式篇!港九新界尚存西餐廳 12間本土推介西餐廳|西餐推薦2023

【#區區有小店 】香港本來就係國際美食匯聚嘅地方,雖然環境有好大變化,唔少餐廳都陸續出現結業潮,但其實依然有唔同餐廳小店尚存,更有唔同類型嘅菜式可以選擇。今次區區有小店就為大家整理港九新界尚存嘅西餐廳,適合拍拖兩個人前往,即刻睇睇菜式推介之西餐選擇!

外賣有9折!長沙灣斜坡上情調西餐廳專賣鐵板扒餐 驚喜西式香煎肉餅飯啖啖肉

長沙灣美食 Second Bite

【#西式肉餅】長沙灣至荔枝角之間可能有啲交通不便,但其實有好多間隱藏小店值得拍拖兩個人嘗試,離長沙灣元州邨大概5至10分鐘步程,即可以搵到一間又一間食肆,當中有一間靠近明愛醫院,店舖位處斜坡上,係一間甚有情調嘅鋸扒之地,更特別之處係外賣自取有9折優惠!

大角嘴迷你威尼斯西餐廳Risotto出色 中西合璧加臘味賣Fusion?

威尼斯餐廳

【#與麥記同價】大角嘴係一個隱藏小區,真小店眾多,美食應有盡有,當中一個商場就雲集多間食店,每間都係值得拍拖兩個人一試再試嘅餐廳。當你以為呢啲商場微舖唔會有西餐廳嘅時候,編輯又可以話你知,商場側小街道都有一間隱藏版西餐廳,價錢等同一份現時香港麥記快餐嘅水平,但同等價錢就已經可以享用一份西餐。