【赤鱲角機場遊】只識維修區睇日落?南環路海旁驚現和風巴士站 15分鐘登觀景山俯機場全景

機場維修區+南環路近赤鱲角南路巴士站+觀景山

【#久違之地】香港人好耐無去過旅行,對於機場絕對又愛又恨,想要衝上雲霄,又被人禍阻撓。提到香港赤鱲角機場維修區,唔少人第一時間都會諗起日落勝地,專程到海旁觀賞夕陽西下景緻,甚至會拍拖兩個人前往浪漫散步或踩單車,熱門時間都係黃昏時份,但事實上赤鱲角機場一帶又豈止海旁維修區?編輯決定帶大家從反方向走,先找尋一個充滿和風味道嘅舊式巴士站影吓相,再攀登上一座小山丘,俯視機場全景,有時間重可以去大草原散吓步或野餐。