大欖隧道出發!30分鐘登清潭水塘快閃無障礙路線 上下水塘湖面平靜透視蔚藍天空

錦田路線 清潭水塘 上水塘 下水塘

【#無障礙路線】靠近錦田嘅清潭水塘離河背水塘不遠,清潭水塘清靜之餘亦有靚景,人氣度卻比河背水塘低,而事實上兩個水塘能以一條路線貫穿。大多數人拍拖兩個人遊河背水塘或清潭水塘都會從錦田市中心起步,前往石崗雷公田村出發,遊走郊遊徑就可以前往水塘。編輯今次就帶大家從大欖隧道出發,交通方便、路程更短,由轉車站起步,全程瀝青路,完全係無障礙路線,30分鐘就能登上清潭水塘!