【區區有小店】元朗美食巡禮2023!小區推介25間尚存本土餐廳!

元朗美食 倆口小吃 米芝蓮2022

【#區區有小店】近年,香港不斷有餐廳宣佈結業,唔少有質素嘅餐廳都逐步消失,同香港講拜拜,本地尚存嘅小店數目愈來愈少。今次編輯就一次過總結返我哋實試過嘅餐廳推介,結合現時仍然有嘅餐廳美食,方便大家繼續支持本土小店,第十五炮找尋元朗尚存嘅本土餐廳。

教你一餐麻甩與斯文兼備!元朗隱藏版料理店躲藏小巷賣日本魚生飯 與潮州滷味店僅相隔15秒步程

【#日式套餐】你哋有試過拍拖兩個人因為食乜好而出現爭執嗎?其實,每個人每一餐想食嘅菜式都可能會唔同,如果選其中一間食店,代表一方需要遷就另一方,但如果想取得平衡,最好嘅方法就係選擇外賣!只有外賣,先可以同時品嚐唔同菜式,而價錢上可能更抵食,亦可以免卻因為食乜好而出現爭執。編輯今次就帶大家到元朗找尋一間隱藏於小巷內嘅日本料理店,而離店舖僅15秒步程,就可以到達另一間主打潮州菜嘅打冷小店,兩者Crossover之後,麻甩與斯文兼備,呢餐就變得男女皆宜啦!