【區區有小店】旺角美食巡禮2023!小區推介28間尚存本土餐廳!

【#區區有小店】近年,香港不斷有餐廳宣佈結業,唔少有質素嘅餐廳都逐步消失,同香港講拜拜,本地尚存嘅小店數目愈來愈少。今次編輯就一次過總結返我哋實試過嘅餐廳推介,結合現時仍然有嘅餐廳美食,方便大家繼續支持本土小店,第三炮找尋旺角尚存嘅本土餐廳。

旺角兆萬中心2間日韓放題 隨時食足5至6小時?

旺角 兆萬中心放題﹕神戶屋日韓放題

【#恢復放題】旺角兆萬中心向來係拍拖兩個人於鬧市區域嘅放題好去處,一幢小型商場內有多間樓上放題店,好多間都係平民價放題。適逢堂食正式放寬,編輯亦前往久違嘅放題店,今次先食神戶屋日韓放題。當日午市放題有95折,堂食有加一服務費,人均原先$289,加一後折實$303.5。