【區區有小店】美孚美食巡禮2023！小區推介6間尚存本土餐廳！
【#區區有小店】近年，香港不斷有餐廳宣佈結業，唔少有質素嘅餐廳都逐步消失，同香港講拜拜，本地尚存嘅小店數目愈來愈少。今次編輯就一次過總結返我哋實試過嘅餐廳推介，結合現時仍然有嘅餐廳美食，方便大家繼續支持本土小店，第三十六炮找尋美孚尚存嘅本土餐廳。
標籤: 甜品森林
美孚隱藏版家庭式小清新甜品店 $58街坊飯連健康素湯自家製飲品
【#隱藏好店】美孚一帶餐廳唔多，大多數人只數到連鎖店，而事實上高水準嘅小店仍然躲藏於每一個角落。當中，一間小清新甜品店雖然位處美孚新邨範圍內，但就唔太明顯，一般人未必會留意到，不過只要見到西餐廳Cafe82，就會知道呢間以甜品森林命名嘅餐廳喺邊。小店既以甜品為主，亦有意粉、飯、湯粉可擇，款式不少，連餐湯都係足料健康素湯，當然最出色嘅係甜品，比如係栗子露、芝麻糊。