【區區有小店】菜式篇!港九新界尚存石燒牛扒/燒肉店 6間本土推介石燒牛扒/燒肉餐廳|石燒牛扒/燒肉推薦2023

【#區區有小店 】香港本來就係國際美食匯聚嘅地方,雖然環境有好大變化,唔少餐廳都陸續出現結業潮,但其實依然有唔同餐廳小店尚存,更有唔同類型嘅菜式可以選擇。今次區區有小店就為大家整理港九新界尚存嘅石燒牛扒店,適合拍拖兩個人前往,即刻睇睇菜式推介之石燒牛扒選擇!

中環鬧市地庫藏日式石燒牛食堂 半自助式套餐最平$48!

滿滿食堂

【#地牢石燒牛】要數只能夠堂食嘅類別,除咗拉麵重有咩?事實上,日式石燒牛扒同拉麵一樣,都係一種無得外賣、只能堂食嘅類別,如果拍拖兩個人無得堂食,睇怕之後都食唔到,謹記好好珍惜剩低可以堂食嘅日子呀!中環有一間平價日式石燒牛扒,100g牛扒最平只係$48,豬牛羊雞任君選擇,適合食肉獸。