筲箕灣美食 – eatwo 兩個人醫吓肚

2023-01-252023-03-10兩個人醫吓肚、港式

筲箕灣東大街冬日新增隱藏版煲仔飯茶餐廳製啖啖脆脆飯焦無燶邊！

【#隱藏版煲仔飯】冬天氣溫下降，最適宜係打邊爐，或者拍拖兩個人歎一煲暖笠笠嘅煲仔飯，最本地最出名嘅煲仔飯係邊度？編輯以前會回答廟街煲仔飯，但近年基本上唔會食廟街煲仔飯，唔好問點解。曾經去過部份聲稱「馳名」嘅煲仔飯小店，但結果都係理想與現實之流，可能係令人期望過大。反而，今次編輯發現筲箕灣東大街有一間隱藏版煲仔飯小店，表面做茶記生意，近月新增煲仔飯，但餐牌設計伏味極濃，一嚐之下卻發現原來製煲仔飯嗰個真係低調高手！

2022-09-292023-02-01兩個人影吓相、兩個人醫吓肚、港島、港式、野餐隨行

【野餐隨行】筲箕灣道2間餐廳毗連炸雞店電車站直闖大浪灣泳灘沖浪勝地野餐

【#沙灘野餐】夏天既然接近尾聲，當然要抓緊尾巴，多啲到沙灘遊玩啦！雖然沙灘上有小食亭，但要飽肚少少嘅話，不妨於筲箕灣買啲嘢食，筲箕灣道就有幾間小店，有2間餐廳靠近炸雞店，亦毗連電車站，再到大浪灣沙灘野餐，然後直接落水玩，於沙灘迆足一日，兩個人拍拖都可以好簡單。

2022-09-242023-02-01兩個人醫吓肚、小食甜品

太安樓起家！筲箕灣東大街人氣雪糕班戟暖笠笠法式甜品配涼浸浸雪糕球歎埋消暑雪頂茶飲啖啖舔舔脷

【#冷熱班戟】港島平價小食區嚟講，除咗西灣河太安樓，就係筲箕灣東大街，云云街頭美食匯集於小區內，當中東大街旁邊就有一間人氣甜品小店，即使店內有唔同款式甜品、小食，單靠一款已經俘虜唔少拍拖情侶甜品迷，小店將一款暖笠笠法式甜品配搭冰涼雪糕，再以班戟皮包裹，即管實試冰火交融嘅感覺，可以為夏天消消暑，不妨兩個人去探索吓。

2022-09-082023-02-02兩個人醫吓肚、港式

近電車總站！筲箕灣$30大大碟燒味飯燒鴨燒肉件件皮脆肉嫩

【#高質素燒味飯】筲箕灣東大街向來係美食匯聚嘅地方，但其實選擇有限，而離東大街不遠、近電車總站就隱藏咗一間街坊燒臘店，現時2022年仍然有$38大大碟燒味飯，而且份量唔少，燒味當中以燒肉、燒鴨最高水準，如果拍拖兩個人要去買個飯盒醫吓肚，不妨揀吓呢啲選擇啦！

2022-08-032023-02-02兩個人醫吓肚、小食甜品、西式

陳舊藍屋搵唔到入口？筲箕灣隱藏版炸雞Pizza即叫即製正過連鎖店高水準脆意雞10間分店竟淨1間！

【#中隱隱於市】好多人拍拖兩個人出街搵食，通常都會睇裝潢或睇人氣，而店舖方面亦會保持簇新裝修，筲箕灣就有一間藍色小店，開業多年，目前外形極為陳舊，連射燈都無，令店面更顯灰暗，若然唔係刻意尋找，的確唔會發現呢間隱藏版炸雞店，方才知道原來係漆黑中嘅螢火蟲。店內套餐由主食到小食，以至西湯都巧花心思，主打嘅炸雞、Pizza明明甚有水準，甚至比連鎖店高得多，偏偏好多人寧願去連鎖店都唔選擇其他小店，難怪10間分店淨返1間啦！

2022-03-282022-12-09兩個人影吓相、兩個人醫吓肚、台灣菜、港島、野餐隨行