【區區有小店】灣仔金鐘美食巡禮2023!小區推介6間尚存本土餐廳!

灣仔美食 1963木十豆寸

【#區區有小店】近年,香港不斷有餐廳宣佈結業,唔少有質素嘅餐廳都逐步消失,同香港講拜拜,本地尚存嘅小店數目愈來愈少。今次編輯就一次過總結返我哋實試過嘅餐廳推介,結合現時仍然有嘅餐廳美食,方便大家繼續支持本土小店,第三十三炮找尋灣仔、金鐘尚存嘅本土餐廳。

香港中區兩餸飯推介!金鐘海富商場美樂小食賣平民健康住家菜

美樂小食

【#商業區兩餸飯】中環至金鐘、銅鑼灣至灣仔一帶均為香港中區,亦係本地商業區,區內餐廳向來價格偏高,只有快餐店午餐價錢比較相宜,但事實上中區都有平民兩餸飯,與其去食唔值得去食嘅快餐,倒不如去幫襯本地能夠支持嘅兩餸飯,健康又合心水,即使拍拖兩個人去買,隨時$100有找! 港島區最後一間兩餸飯店,亦係開業最耐嘅一間,由2008年至今已有逾10年,一直躲藏於金鐘海富商場內,每盒兩餸飯$46,價錢唔包括要另加$6嘅湯水,每日堅持有8款餸,菜單幾乎日日不同,餸菜款式包含咸蛋蒸肉餅、麻婆豆腐、粟米肉粒、雲耳蒸雞、西芹雞柳等,一直標榜「家庭式住家餸」、「絕無味精」、「少油」。的而且確,餸菜喺醬汁、油份方面係抵制得宜,整體並唔油膩,而醬汁又唔會太濃稠,肉類都係挑選比較瘦削嘅肉質。

全港7間兩餸飯專門店良心地圖!港九新界遍地開花間間平靚正低至$32!(最新消息﹕5月鰂魚涌有新店)

全港7間兩餸飯專門店良心地圖!港九新界遍地開花間間平靚正低至$32!(最新消息﹕5月鰂魚涌有新店)

【#香港兩餸飯】近年兩餸飯掀起熱潮,店舖愈開愈多,開親都大排長龍,兩餸飯嘅優勢係平靚正,大件夾抵食,有住家飯感覺之餘,亦係糧尾之選,喺物價高企而人工永遠唔會加嘅香港地嚟講,性價比特別高,就連前藝人河國榮亦一度支持兩餸飯。事實上,香港兩餸飯本身出自60年代工廠食堂,係正宗本土菜式,並唔係來自北方,以訛傳訛之說不能盡信。兩餸飯唔等如頹飯,大多數菜式選擇多元化,鑊氣小炒應有盡有,價錢低廉,經濟實惠,二、三十蚊就搞掂一餐,就算拍拖兩個人亦隨時只係50至60蚊左右,家庭亦可以當作加餸。不過,兩餸飯、三餸飯到底有幾多間係值得支持?編輯就為大家推介全港最有良心嘅兩餸飯,製作真正嘅香港兩餸飯地圖,港九新界的確遍地開花,只係希望大家能夠更加識揀識食。