【新年路線2024】山頂廣場起步!全新配水庫公園毗鄰薄扶林水塘 山腳直達伯大尼教堂/薄扶林牧場

【#隱藏配水庫公園】香港太平山山頂係眾所週知嘅熱門景點,亦係獲得世界三大夜景之一嘅地方,過百年歷史嘅盧吉道更可270度環迴俯視維港兩岸。而由山頂廣場出發,除咗西高山、龍虎山、薄扶林水塘等路線,亦有一道比較鮮為人知嘅山路,中途隱藏一個最近山頂嘅配水庫遊樂場,適合拍拖兩個人走一走。山腳終點更可直達IG打卡熱點伯大尼教堂及薄扶林牧場,今次路線與薄扶林水塘並無關係。

瞰鋼線灣景色!穿梭山頂至薄扶林水塘尋港版《千與千尋》場景 新哥德式風格大學堂/伯大尼教堂打卡 薄扶林村都有秘地?

薄扶林家樂徑

【#樹蔭小徑】連接太平山山頂有幾條路線,除咗纜車小徑,薄扶林家樂徑亦係其中之一,但夏日炎炎,由山腳或山腰向山頂進發係比較疲憊,編輯建議逆線而走,由山頂折返薄扶林,路段林蔭眾多,落山輕鬆易行,適合拍拖情侶散步,30分鐘可以走完薄扶林水塘道,亦可兩個人探索水塘秘道,再走訪歷史建築。