【區區有小店】土瓜灣美食巡禮2023!小區推介4間尚存本土餐廳!

【#區區有小店】近年,香港不斷有餐廳宣佈結業,唔少有質素嘅餐廳都逐步消失,同香港講拜拜,本地尚存嘅小店數目愈來愈少。今次編輯就一次過總結返我哋實試過嘅餐廳推介,結合現時仍然有嘅餐廳美食,方便大家繼續支持本土小店,第八炮找尋土瓜灣尚存嘅本土餐廳。

採環保餐盒+餐具!土瓜灣舊區鐵路便當地道台式口味 3款配菜期期轉換主食足料

採環保餐盒+餐具!土瓜灣舊區鐵路便當地道台式口味 3款配菜期期轉換主食足料

【#台式鐵路便當】土瓜灣早前開始清拆,現時行過區內會發現多條街道已經消失得無影無蹤,如果要搵食,可能要稍移玉步到近馬頭圍或紅磡方向,近馬頭圍方向有一間以台式便當為主嘅小店,由環保嘅便當盒到餐具都睇得出係尊重外賣人士,便當食物滿滿台式風味,恍如台灣旅行品嚐到嘅一樣,值得拍拖兩個人去一試再試。