【區區有小店】菜式篇!港九新界尚存餃子店 6間本土推介餃子餐廳|餃子推薦2023

荔枝角美食 好味餃子店

【#區區有小店 】香港本來就係國際美食匯聚嘅地方,雖然環境有好大變化,唔少餐廳都陸續出現結業潮,但其實依然有唔同餐廳小店尚存,更有唔同類型嘅菜式可以選擇。今次區區有小店就為大家整理港九新界尚存嘅餃子店,適合拍拖兩個人前往,即刻睇睇菜式推介之餃子選擇!

西環堅尼地城一角隱藏民族風小店 罕見地道尼泊爾餃子合港人口味

【#尼泊爾餃】平常拍拖兩個人唔係食日本菜、韓國菜,就係港式、中式、西式?雖然近一年結業潮湧現,食肆紛紛閂門,但其實仍有唔少有水準又值得支持嘅小店,甚至有罕見嘅少數民族食店。今次推介一間位於西環、本地超罕見嘅尼泊爾小食店,由嫁雞隨雞嘅港媽與尼泊爾藉另一半打骰。

長沙灣餃子店有幾好味?野葛菜生魚豬骨湯底啖啖鮮甜更出色

荔枝角美食 好味餃子店

【#美味餃子】長沙灣有一間餃子店,單睇似乎好有自信,皆因招牌現時取其名「好味」,到底有幾好味呢?前身則叫「美味」,呢個名的確係令人想拍拖兩個人一探究竟,唔好味係咪可以投訴違反商品說明條例呢?不過,以身處香港嚟講,呢個詞語雖然可以係形容詞,但亦可以係名詞,所以「好味」未必一定等同「好味」。

大角嘴迷你山東小城賣餃子 烏黢黢墨魚荸薺餃隻隻新鮮脹卜卜

【#暗黑餃子】大角嘴有一間單靠餃子已經大受街坊歡迎嘅小店,小店由年輕人傳承舊店山東老闆娘手藝,以山東餃子為主打,編輯當日所見,每隔幾分鐘就有人叫堂食或外賣餃子,當中以烏黢黢嘅墨魚荸薺餃最搶手,而每隻都好飽滿,餡料新鮮又有咬口,的確係值得拍拖兩個人去試一試。