【野餐隨行】登紅燈山觀九龍半島!何文田勝利道姊妹店廚房打通 兄弟邦x鮮丼家一舖兩用賣日式丼飯

兄弟邦x鮮丼家+紅燈山

【#市區後花園】何文田紅燈山係近年愈來愈多人熟悉嘅市區後花園,靠近九龍鬧市地帶,比嘉頓山高少少,但地方就比較寬廣,活動空間亦較大,紅燈山位置近何文田、土瓜灣,附近連接4個配水庫遊樂場,拍拖兩個人嘅野餐地點絕對係任君選擇!而何文田勝利道就係區內其中一條「食街」,當中有一間餐廳以日式丼飯為主,離德國熱狗不遠,細心啲會發現兩間相連食店表面截然不同,但其實原來只係一間嚟㗎!