東京賞櫻之旅 I 兩隻嘢玩乜好 by eatwo.info

東京賞櫻之旅 by eatwo.info
東京賞櫻之旅 by eatwo.info












tokyo-sakura_Ueno

於日本東京眾多賞櫻熱點當中,台東區嘅上野恩賜公園係數一數二櫻花最盛放嘅地方,今年上野公園櫻花祭以流水式舉行,出入口劃一,途人賞櫻必須走同一個方向,從同一個方向離開。

上野恩賜公園本來係日本皇室所擁有,面積有逾50萬平方米,名稱源由係1924年大正天皇下賜(恩賜),故被稱為恩賜公園,而公園位於上野一帶,故亦被稱為上野公園。公園內有上野動物園、東京國立博物館、國立西洋美術館、國立科學博物館等文化設施,但上野公園最為人熟悉嘅始終係賞櫻勝地,一度入選日本賞櫻名所100選,每逢春天櫻花季都吸引唔少當地人及遊客前往賞櫻。

tokyo-sakura_sunny day

到東京上野公園一帶自由行,可前往毗鄰上野恩賜公園嘅上野阿美橫丁,街道上餐廳、雜貨店、藥妝店林立,更有一間以食昆蟲為主嘅店舖。

上野公園既有花草樹木,亦有藝術文化設施,更有神社寺廟,春季櫻花開花後,步入園區內,畫面相當壯觀!上野櫻花於3月中下旬起陸續綻放,櫻花有別於香港嘅粉色為主調,品種唔一樣,大多數係以白色為主調,更顯脫俗優雅,每支彰顯其嬌媚美態。

於上野公園賞櫻一段時間,可以到園內Starbucks歎杯咖啡,日本Starbucks與香港Starbucks唔一樣,真係一杯飲得順心嘅咖啡。於櫻花樹下歎咖啡或野餐,都係非常Chill嘅活動喔!

東京都台東区上野公園
  • 05:00–23:00   I +81 338285644
  • 於上野駅或京成上野駅落車,步行約3至5分鐘即達
  • 免費入場


宿







Shinjuku

講到賞櫻勝地,絕對不得不提位於新宿至渋谷嘅新宿御苑,園內有近60公頃,公園歷史可追塑至江戶時代,皆因公園原內藤家住宅,整個公園為其私人庭園,後來演變成國民公園。

除咗正門,新宿御苑基本上只有3個出入口開放,包括新宿門、大木戶門、千駄谷門,一旦行錯路隨時要行好耐先搵得返出入口。園內既有溫室,亦有英式木造舊洋樓及庭園設計,被列為日本國重要文化財產。

tokyo-sakura_sunny day

公園內櫻花量十分驚人,畫面壯觀,唔少櫻花向下垂至地面或湖面,唔少人都於櫻花樹前打卡影相,的確垂落嘅櫻花樹係比較少見。園內更有大片青翠碧綠草地,表面非常柔軟,適合坐低野餐,唔少人甚至於櫻花樹下歇息。

新宿御苑櫻花散落於公園各處,無論日本庭園、風景式庭園,抑或整形式庭園,都種滿茂密嘅櫻花樹。據了解,新宿御苑有超過1000株櫻花,可以輕鬆隨拍,拍拖兩個人去特別浪漫。

部份櫻花樹非常宏偉,櫻花散開,櫻花種賞繁多,當中最常見嘅係染丼吉野櫻,亦有枝垂櫻、八重櫻、山櫻、普賢象、大島櫻等。

東京都新宿区内藤町11
  • 09:00–16:00(16:00閉園,逢星期一休息)   I +81333500151
  • 新宿御苑前駅或新宿三丁目站駅落車,步行約5分鐘即達
  • 成人500日圓,65歲以上250日圓,學生(高中以上)250日圓,兒童免費











Yoyogi

至於位於渋谷區嘅代々木公園,離原宿站不遠,毗鄰明治神宮入口,係東京都內一個大型公園,步行至原宿門,前往中央廣場,即可於鬧區內輕鬆觀賞櫻花。公園面積偌大,有約54萬平方米,為東京23個都市公園排行第4,規模非常大。

其實,代代木公園原先為代代木之原,為日本陸軍代代木練兵場,後來曾經變成駐日美軍宿舍設施,於1964年再改建為東京奧運會代代木選手村。

rain

相對於上野恩賜公園、新宿御苑,代代木公園為24小時全日開放,而且係免費進入,方便隨時睇日櫻或夜櫻。而園內靠近公廁位亦種滿櫻花樹,走入步道,櫻花綻放時,會發現兩旁櫻花夾道相迎,即使係雨天,亦難掩其亮麗。

代代木公園嘅櫻花品種大多數都係染井吉野櫻,少數為河津櫻,前者顏色較淺,後者則偏桃紅、花瓣較大,但全國多數櫻花品種都屬染井吉野櫻。公園內嘅櫻花樹滿佈泥地上,絕對唔止十零株,果然係東京賞櫻名所之一。

  • 東京都台東区上野公園
    05:00–23:00   I   
    +81 338285644
  • 於上野駅或京成上野駅落車,步行約3至5分鐘即達
  • 免費入場













inokashira

想要睇櫻花,重可以去位於東京都武藏野市和三鷹市嘅井之頭恩賜公園,通常一般會簡稱為井之頭公園。該公園同樣被列為日本賞櫻名所100選之一,內有武藏野三大湧水池,包含井之頊池、三寶寺池、善福寺池,池畔則種滿櫻花樹,畫面壯觀優美。

井之頭公園地方偌大,面積有約38萬平方米,歷史可追塑至江戶幕府時期,曾為日本皇室御用林,有逾百年歷史,唔少日劇都會於該公園取景拍攝。池水由東南方向西北方延伸為兩端,連結神田川至御殿山雜木林,賞櫻走過一圈都需要花約1小時。

rain

公園最大特色係櫻花位處池畔,櫻花於水面映照特別吸睛,而櫻花落下時,散落於水面,令水景更美。池中更有天鵝船,唔少人都會特別前往划船場租借天鵝船,於池中賞湖畔櫻花景色,享受被櫻花包圍嘅感覺。

即使唔坐天鵝船,於池畔賞櫻亦別有一番感受,圍繞池邊種植櫻花,櫻花滿開,不失為一個賞櫻散步景點,一端更可以於櫻花樹前野餐喔!

東京都武蔵野市御殿山1丁目18−31
  • 井之頭恩寺公園划船場(ボート場)於賞櫻季節營業時間為3月 9:30至17:20、4至7月 10:00至17:50   I +81422476900
  • 於吉祥寺駅落車,步行約5分鐘即達;或者於井の頭公園駅落車,步行約10分鐘即達
  • 免費入場












Meguro-River

講到日本東京賞櫻勝地,位於中目黑嘅目黑川絕對係數一數二嘅人氣景點,橫跨世田谷區、目黑區、品川區,河川注入東京灣,河口附近河道彎曲,因曾為運送物品嘅港口,故亦被稱為品川。目黑川本身尤如一道坑渠,只不過經過水質處理變成一道目黑川綠道。

目黑川最大特色係河川兩旁種滿櫻花樹,滿佈河岸,從別所橋、櫻橋,以至池尻大橋,皆滿佈櫻花樹而兩邊亦有唔少商店、食肆,熱鬧非常。於春季櫻花滿開時,尤其吸引遊人前往觀賞,係東京都內著名嘅賞櫻熱點。

night

中目黑每年都有櫻花祭,據知河畔兩旁有約800株櫻花綻放,而編輯當日於晚間時份前往,入夜後目黑川會點燈,能盡情觀賞夜櫻,櫻花於點燈之下景色更優美。

目黑川全長基本上有8公里,而人群一般集中於近中目黑駅,皆因目黑川離地鐵站口非常接近,而另一端近代官山、涉谷方向嘅目黑川,則較少人流,會比較容影拍攝夜櫻。另外,目黑川櫻花舖天蓋地,其實與新宿御苑、上野公園、和千鳥之淵齊名,所以都係值得前往嘅櫻花勝地。

除咗於目黑川左右兩邊購買小食,亦可以前往中目黑Starbucks歎杯咖啡,該Starbucks既係咖啡店,亦係書店,設計非常獨特,香港唔飲Starbucks,去日本當然要飲返杯啦!

東京都目黒区上目黒1丁目17
  • 於中目黑駅落車,步行約3分鐘即達
  • 免費