一塊有趣的土地，一個多元的城市，維持本質，最適合快閃旅遊的地方。
【#台北置物櫃】台北飯店一般於下午2至4點先有得check in，而朝早11點就要check out，距離上機、落機時間稍遠。雖然E.A.Two係backpacker，多數行李唔多，但知道唔少人都會帶上笨重行李，所以今次回程時就為大家實試台北車站內嘅置物櫃，方便大家將行李丟低，拍拖兩個人可以善用時間多走幾個行程。好多台北車站、桃園機場捷運，以至桃園機場嘅置物櫃大致相同，部份價格稍有分別，電子密碼式非常方便。不過，當中竟然有一組置物櫃係無人用，我哋實測時終於知點解，你又估唔估到呢？
【#24小時麵店】西門町美食餐廳眾多，但夜晚凌晨時份想食宵夜選擇就比較少，其實西門町有間24小時營業嘅麵店，可以隨時去拍拖兩個人醫吓肚，唔單止係一間老字號麵店，出品亦有水準，其中一款不得不試嘅係滷豬腳！
【#24小時免費零食】到台北自由行，最方便入住嘅飯店當然係台北車站或西門町，選擇咁多點揀好呢？今次E.A.Two就推介一間適合拍拖兩個嘅平價小型旅館，房間縱然地方不大，但就交通便捷，更有趣嘅係旅館內可以24小時任攞免費零食飲品！
【#台北夜貓地】如果凌晨到達台北，又唔想多訂一間飯店或旅館，有咩地方可以去呢？今次E.A.Two就為大家整合返3大台北夜貓好去處，唔單止價格相宜，而且可以醫吓肚。呢3個地方既可以消磨時間，又可以當作吃喝玩樂景點，一分一秒都唔會浪費！
【#機場foodcourt】台北係快閃自由行嘅熱門目的地，香港人去旅遊，一定要玩到最後，即使臨上機前，時間都唔可以浪費。於桃園機場上機前，不妨拍拖兩個人去物美食廣場覓食，食多樣嘢先走﹐呢個Food Court係24小時開放呢！
【#台灣茶飲街】台灣人到底有幾鍾意飲手搖飲品呢？當地手搖飲品市場發展蓬勃，就好似香港嘅7-Eleven「梗有一間喺左近」！拍拖兩個人去台灣旅遊，當然唔少得去買杯手搖飲料。你又知唔知台北同台中各有一條茶飲街，聚集眾多手搖飲店？台中單單100米內就連續聚集10間手搖飲店，台北一條街內亦有近20間手搖飲店，即睇台北市、台中市最強街道手搖飲地圖！
【#北車景點】從台北機場出發，一程捷運就可以抵達「台北車站」，拍拖兩個人於北車一帶有咩玩呢？今次E.A.Two就逛逛「台北車站」附近景點，當中包括歷史建築及市定古蹟，立即睇睇北車週邊有邊5個地方啦！
【#迪化街景點】拍拖兩個人去大稻埕迪化街有咩好睇？除咗先前提過嘅獨立書店、十連棟等獨特建築，靠近捷運站一方重有幾個相連景點，不妨一次過遊覽一下啦！
【#迪化街書店】大稻埕迪化街向來係旅客熱門景點之一，唔少人都會被碼頭夕陽或懷舊雪糕店吸引，E.A.Two就被當中一個全新地標、樓高3層嘅獨立書店引領入內，室內書香味濃，引人入勝，值得拍拖兩個人前往參觀。
【#人氣星巴克】台北將Starbucks讀成星巴克，好多間分店都有獨特建築設計，比香港嘅Starbucks更值得拍拖兩個人去打卡。其中，從大稻埕走向寧夏夜市，就有一間紅磚大樓模樣嘅巴洛克風Starbucks，縷雕圓拱形窗下更加係打卡位！
