分類: 城市角落

【#CBD景點】香港CBD一帶向來都係金融中心、商業地區，四圍都係高聳商廈，景點並唔多，唔係近海就係近山。今次E.A.Two帶大家前往隱藏於金鐘區內嘅歷史遺跡，既保留舊時軍火庫，亦加入可眺望維港嘅空中花園，放空必到！拍拖兩個人更可以打卡石屎森林中嘅蜿蜒天橋，景點免費入場！

【#全新開放】馬灣舊村早年被完全封鎖，經過幾年重修，最近終於翻新完畢，並正式開放公眾入場，有關當局似乎有意模仿意大利「五漁村」，將破舊小屋通通髹成繽紛彩色小屋，並加插藝術壁畫，吸引拍拖兩個人同一家大細入場打卡，同時命名為「馬灣1686」，到底昔日馬灣舊村變成咩樣呢？今次E.A.Two正式走入全新馬灣地標，發現大部份地方都已經人面全非，舊屋通通變成空有華麗外觀、缺乏實際內涵嘅彩色小屋，只係勉強搵到有8個僅餘完整保存嘅地方，即刻睇吓係邊幾個地方！

【#全新馬灣】自從馬灣舊村封閉後，值得前往嘅馬灣影相熱點又少一個。不過據消息指，馬灣公園二期活化計劃已經竣工，E.A.Two編輯特意親身前往馬灣觀察，發覺原先嘅古樸舊村，已經翻新得七七八八。現場可見，昔日打卡味濃嘅廢棄舊村，已經變成一排排新穎彩色小屋，據悉為配合全新文化藝術村計劃，故有此設計。到底將舊村活化是好是壞，彩色小屋定復古舊村更可以吸引遊客呢？確實要拭目以待。

【#全新公園】灣仔又有新地標啦！今次E.A.Two編輯又一次快人一步搵到灣仔全新公園，位置毗連皇后大道東，背靠一座歷史古蹟建築物。最特別之處，係該公園現時只係局部開放，未有完全開放所有地方，而公園旺中帶靜，絕對適合情侶拍拖兩個人散步及談心！

【#其實幾時會拆】尖沙嘴香檳大廈由建成至今有超過60年歷史，而全盛期從90年代中至今亦有近30年歷史，自從2011年收購，直到上年底強拍，歷時有13年。目前，拍拖兩個人依舊可以遊走香檳大廈，只不過重有咩睇呢？

【#禁區開放】踏入2024年1月，沙頭角一帶終於實行第二期開放計劃，香港人只要申請禁區紙，就可以拍拖兩個人去沙頭角自由行啦！不過，原來大部份名額為旅行團客人，只有大概三份一為個人名義旅客。即睇E.A.Two推介沙頭角一日遊行程，以及如何申請沙頭角禁區紙，探索禁區風景。除咗有七色小屋與全港最長碼頭可以打卡，多個殖民時期T形街牌、皇冠郵筒，以及中英街亦卒之重現！

【#市區行山路線】全港有無數行山路線，當中有唔少行山路線隱藏於港、九、新界市區之內，交通便捷，方便拍拖兩個人隨時、隨地、隨意上山逛一逛。今次編輯整合23條市區行山路線，山海市景通通都可以盡收眼底！

【#配水庫公園】配水庫遊樂場多數位於市區一帶，而且擁有寬闊大草地，一般位於舊式配水庫之上，適合拍拖兩個人去野餐。城中到底有幾多個配水庫？編輯曾經走訪港、九、新界大部份配水庫，但其實只有一部份配水庫先會於上蓋設有遊樂場或休憩花園，即刻睇睇有邊個配水庫公園啱心水啦！