分類: 兩個人醫吓肚

【#甜品副線】太子有間人氣芋圓甜品店，憑手工芋圓糖水吸引唔少人拍拖兩個人慕名而至，原來最近於同一條街道上開設小食店副線，以港式小食店為主打，正對原店，即係方便食完小食再食甜品？

【#凌晨小食】近年，香港唔單止小店愈來愈少，營業至凌晨嘅小店更加係少之又少，有時剛巧想要拍拖兩個人喺鬧市一帶食吓宵夜都唔容易！旺角、油麻地分別就有「深王」同「廟街玉子燒」，今次E.A.Two就同大家報告埋太子區，重有一間「叻仔記小食」係營業至凌晨㗎！

【#此加記不同彼加記】曾經有讀者提過港島「加記」呢個名，而港島竟然有兩間名稱完全一模一樣嘅「加記」，細心啲自然會發現其實兩間「加記」係截然不同，而且係完全無任何關係！所以拍拖兩個人如果想去「加記」食生炸雞髀，記得要認實鴨脷洲店，唔好去錯西環啦！

【#樓上越南菜】雖然近年香港結業潮湧現，但依然有少部份小店憑人氣菜式擴充營業。香港各區都有唔少東南亞菜餐廳，有一間近一年從深水埗細舖搬到油麻地大舖，由越南家庭經營，菜式地道，其中蕃茄蟹膏湯檬更加係人氣之選，週末亦有適合拍拖兩個人試試嘅開胃菜式！

【#雞白湯拉麵】講到拉麵呢個話題，就好似半隻腳踩入火堆一樣，深怕講多半句都會得罪香港日本通拉麵迷。不過，有時自己只係去醫吓肚，其實又唔需要太理其他人點睇嘅，大家拍拖兩個人去食嘢，按自己喜好去揀就得。今次E.A.Two前往紅磡一間真拉麵小店，由湯頭到叉燒皆頗有水準，據悉近月太子更開設分店呢！

【#新年糕點2025】又一年啦！今年係2025年，每逢新年都一定要睇睇香港小店有邊間有年糕、蘿蔔糕供應﹐畢竟小店已經愈來愈少，依然堅持為香港人製作賀年糕點嘅小店，絕對值得拍拖兩個人支持！睇睇今年有邊幾間香港小店有糕點提供，即刻mark低地址同預訂方法啦！

【#聖誕巡禮2024】聖誕節即將來臨，雖然聖誕係慶祝耶穌生日，但約定俗成呢一日已經變成一個浪漫慶祝節日，到底係好事定壞事呢？我哋就唔評論啦。今年情侶拍拖兩個人平安夜準備好有咩節目未呢？各位Last Minute人，未知送咩聖誕禮物，食咩聖誕大餐，聖誕去邊度好嘅話，不妨參考吓呢個香港小店嘅聖誕整合列表啦！

【#又結業啦】以滬京川菜為主打嘅「和平飯店」，近月宣佈南昌V City分店因租約期滿而結業，昔日連鎖上海菜館已經只係剩返油塘大本營分店。如果想拍拖兩個人舒舒服服坐低食上海菜，去酒樓飲吓茶，就要去油塘區啦！