分類: 兩個人影吓相

【#全新公園】葵芳有一個公園，面積比香港知名嘅維多利亞公園更大，但一直以嚟都被荒廢，甚至荒廢有足足超過30年，之前入去就等如犯法。不過，而家就可以名正言順進入，皆因呢個葵涌公園於2025年12月中旬已經正式開放公眾進入，可以拍拖兩個人賞藍巴勒海峽，更可以玩吓大人版嘅滑梯同韆鞦！

【#聖誕市集2025】錦田嘅露天跳蚤市場近月就已經進入最後倒數階段，即將成個拆走，而錦田紅磚屋入面就有一個聖誕市集，隱身於樓上位置，可以拍拖兩個人去逛一逛，搵吓聖誕禮物、聖誕裝飾同聖誕小食，到底邊間係最值得支持呢？

【#向日葵花園】元朗「信芯園農莊」近年一直係網美喜愛嘅向日葵花海打卡地，每逢夏季都有唔少人慕名而至，爭相追訪一朵又一朵又叫太陽花嘅向日葵。拍拖兩個人前往影相又真係幾浪漫，整個場景猶如台中「中社觀光花市」，其實香港都有能夠媲美外地嘅景點。不過，最近「信芯園」2025年11月嘅太陽花已經到達最後一季，因為預計2026年呢一帶陸續被收地，花海有可能絕跡小磡村。想要睇最後綻放嘅向日葵／太陽花花海，即刻睇以下最真實嘅搭車同徒步路線！

【#神秘街牌】香港嘅街牌越見新穎，舊式街牌真係買少見少，E.A.Two曾經講過一塊又一塊已經好罕見嘅殖民地時代T形街牌。今次喺赤柱見到一塊頗為獨特嘅街牌，到底有咩特別呢？

【#赤柱博物館】於2025年11月，有個「香港博物館節」，有超過17個博物館都係免費入場，但就唔包括隱身於赤柱嘅呢個博物館。不過，呢個博物館本身都係免費入場，如果拍拖兩個人於赤柱一帶散步，不妨順路遊覽呢個展覽館。

【#超迷你博物館】好多人成日話香港無地方去，無嘢好行，其實現時依然有好多地方隱身市區內，值得拍拖兩個人去搜索一下。今次E.A.Two就前往一間近月先開放公眾進入嘅「唐樓博物館」，原來呢間小型博物館真係隱身於一幢唐樓內，入面保留咗昔日嘅場景同用具。而唐樓位置唔單止近上環知名文創地標「PMQ元創方」，同時毗鄰「香港新聞博物館」，任何人都係免費入場，即睇預約方法！

【#本地導賞團】如果拍拖兩個人喺香港唔知去邊度好，不妨試吓join香港導賞團，對香港地隨時有更深認識，有好多係平時無咩人留意而又鮮為人知。今次E.A.Two就選擇參與尖沙嘴兩個景點嘅導賞團，呢兩個地方唔單止係英式建築物，而且都係一早被列為「香港法定古蹟」，原來每個禮拜只有1日有得導賞團，到底點樣join呢？

【#再獻新猷】近年小說《我所看見的未來》翻hit，唔少人竟然因為一本小說而擔心「7月5日災難性大地震」預言成真，連7月日本旅遊人次都大幅減少。日本素材向來受到港人拍拖兩個人歡迎，港島區一個公園早年就有一個京都風庭園，今日小屋已被拆走，取而代之嘅只係單一朱紅色鳥居裝飾，唔通係為咗香港人唔飛日本而設？

【#散步日常】近年，啟德一帶吸引唔少人流，「啟德體育園」就係人流聚集嘅地方，而最近其實重有一個隱藏「啟德體育園」同「啟德郵輪碼頭」之間嘅賞景觀景台。該觀景台設計既似一個漩渦，亦可以連接「啟德空中花園」走道、可以180度眺望港九東西維多利亞港景色同煙花景嘅「啟德海濱長廊」，甚至一條路線直達「啟德郵輪碼頭」，人流稀少，沿途環境清靜，適合拍拖兩個人散吓步。