分類: 兩個人影吓相

【#橋底風光】秋季係觀賞楓葉嘅季節，本地有唔少楓葉勝地，各區紅葉片片，當中青衣公園就係其中之一，唔少人狗衝前往賞楓，但實際上係咪值得跨區前往觀賞呢？今次編輯帶大家探索最真實嘅情況，然後再順道帶大家拍拖兩個人找尋青衣南一處賞景秘地，觀望昂船洲大橋，毋須每次只拍攝青馬大橋、汀九橋，影相亦需要小驚喜嘛！

【#秘密小通道】馬灣向來係唔少本地人週末小旅行嘅好選擇，小島寧靜如國外，舊漁村風景怡人，新公園亦係打卡勝地，但其實馬灣又豈止咁少地方？識玩一定唔止係咁玩！適逢馬灣舊村已經逐步清拆，昔日漁村風光似乎不復見，今次編輯就帶大家步上僅餘嘅小木橋窺視漁村風光，再穿越一道秘密通道探索青馬橋底，眺望汀九橋，遠眺對岸西草灣，找尋秋季限定嘅芒草、蘆葦打卡，一條路線登上馬灣小山丘，俯視青馬全景及近距離直視汲水門大橋，路段難度極低，適合拍拖兩個人輕鬆郊遊。

【#慈觀古道】要登上獅子山，大多數人都會選擇從黃大仙出發，今次編輯就帶大家兩個人由慈雲山起步，穿越一道慈雲山秘道，一方面尋找觀音廟，另一方面可直接登上沙田坳道獅子亭，拍拖上山可以省卻步行漫長嘅沙田坳道。

【#罕見紫芒草】最近，藍田鬧市間出現咗一片紫芒草田，吸引唔少山友駐足觀賞打卡，生長於平地上嘅紫芒草其實叫紫穗狼尾草，同芒草形態有幾分相似，花田遍佈平原，拍拖兩個人影吓相亦幾浪漫㗎，絕對係「追芒族」必去嘅影相地！捕捉完紫芒草田風光，既可以穿梭至五桂山、茅湖山，亦可以從藍田走到鯉魚門，登上小山徑，前往魔鬼山，最後以鯉魚門石礦場作結，市區同樣可以玩足一日。

【#天空之城】水浪窩可以連接榕樹澳、深涌，或者企嶺下、麥理浩徑，而事實上水浪窩亦可以輕鬆步行到西貢市中心，係一段兩個人於下午4點出發，都有足夠時間嘅拍拖閒遊路線。更特別之處係水浪窩燒烤場內，隱藏一個有如「天空之城」嘅觀星台，係全港唯一仿古天文建築物，值得去影吓相。

【#楓葉村落】日前，編輯帶大家到過欣澳楓香林，探索秋季紅葉秘地，位置係一個未被人群佔據嘅樹林空地，若然大家嫌走得太遠，今次就帶大家去靠近市區嘅大埔烏蛟騰睇紅葉，而且係一棵巨型楓樹，高大而宏偉，拍拖兩個人由落車到紅葉村落，步程只需10分鐘！

【#邊境山頂】如果提到嘅行山路線位處邊境，你敢唔敢拍拖兩個人去？今次遊走嘅邊境小山丘為香港最北端位置，於羅湖、落馬洲之間，僅高約186米，但必須步行一道45度角斜坡嘅無盡上行路段，頂端座落一間已經荒廢嘅小屋，適合廢墟攝影，而天台頂端更有小路直通直昇機停機坪，既可找尋天空之城，亦可於芒草群打卡，更可環瞰270度香港及深圳兩岸景色。

【#滑翔傘起點】西貢與馬鞍山之間穿插好幾條行山路線，當中馬鞍山郊遊徑係拍拖兩個人熱門路線之一，行得冷門路線多亦會想間中行吓熱門路線，大多數人都會選擇由馬鞍山出發，然後以西貢為終點，但編輯則認為該方向人流過多，反而以西貢起步，再以馬鞍山為終點則走得較舒服。

【#黃昏白樓】兩個人週末去邊好？有時候拍拖行程會令唔少男士煩惱，女生們大多鍾意影相打卡，男士可能唔想諗咁多，又或者唔想去太多人去過嘅地方，想遠離城市繁囂，以下呢個地方就可以滿足晒幾個願望。

【#楓葉率先睇】秋「楓」起，又係時候兩個人去尋找楓葉蹤影！季節限定嘅楓葉正準備漫山遍野盛放，要數種植香港楓葉嘅地方，大多數人第一時間一定會諗到元朗大棠楓香林，又或者近年受行山客歡迎嘅大埔烏蛟騰九擔租風水林，甚至係大欖郊野公園、青衣公園等賞楓好去處，今次編輯就帶大家去更鮮為人知嘅賞楓秘地，當日現場全無他人，顯然該楓香地帶未完全曝光，值得拍拖情侶去靜悄悄觀賞紅葉風景。