兩個人醫吓肚

【#驚喜甜品】石門京瑞廣場本來係美食集中地之一，但近年結業潮湧現，導致呢個本地美食廣場嘅小店愈來愈少。E.A.Two曾經去過呢個商場好多間小店，偏偏漏咗以下呢間西式小餐廳﹐原來比以往去過嘅更高水準！最意外嘅係當中嘅甜品焦糖燉蛋，可以夠膽講食過最有水準嘅Creme Brulee，雖然有一個小缺點，但菜式上真係值得拍拖兩個人去撐檯腳！

【#炸魚薯條】炸魚薯條係知名英國菜，起源於19世紀，至今依然係外國嘅受歡迎菜式。雖然香港有唔少地方都有炸魚店，但同炸雞一樣，有水準嘅食肆並唔多。今次E.A.Two帶大家拍拖兩個人前往一間非常有水準嘅炸魚及炸雞店，兩款菜式都係值得回頭嘅選擇！

【#藤椒魚皮】上水座落香港北區，想要搵餐廳選擇並唔多，今次前往一間隱身屋苑地下嘅街坊小食店，距離中心點唔算太遠。上一次，E.A.Two於鴨脷洲食過藤椒魚皮之後，就愛上咗呢款小食，今次於呢間微舖小食店竟然都見到有水準不俗嘅藤椒魚皮，重有其他自製小食可以選擇。

【#鹹檸咖啡】深水埗近十幾年一直係非常為人熟悉嘅咖啡小區，但時而勢易，一間又一間Cafe已經消失得無影無蹤，有部份Cafe甚至被評為搵笨同混水摸魚。如果想要去深水埗歎咖啡，拍拖兩個人的確要小心選擇。大南街有間堪稱深水埗Cafe元祖店之一，至今11週年依然尚存，滿$300更有扭蛋玩，隨時獲得掛耳咖啡包！

【#海景素食店】西九文化區aka藝術公園已經成為近年嘅尖沙嘴西面嘅知名地標，一直以來都有唔少小店進駐海邊，但執完一間又一間。最近，就有一間素食店於西九海旁開設分店，拍拖兩個人可以享受一間海景素食店。