標籤: 東京迴轉壽司

【#迴轉壽司】東京係旅客熱門城市之一，好多地方都被遊客玩到盡，其中池袋更加係受到遊客歡迎嘅地區，隨時見香港人重多過日本人。如果想要避開遊客，最直接嘅方法唔係搵新地方，而係去返舊到遊客都唔會再去嘅地方。東京有間連鎖式廉價地道迴轉壽司店，早期已經有好多人食過，到今日香港人已經睇唔起呢啲地方唔會再去。結果入到去會發現只係淨返當地人，但壽司店至今依然懷舊味濃厚，價格上最平亦只係130円，拍拖兩個人去都係1000至2000円埋單，CP值都係咁高！

【#迴轉壽司店】日本知名迴轉壽司店有好幾間，最大優點係價廉物美，今年初有日本週刊曾經調查日本人最愛連鎖迴轉壽司店，值得拍拖兩個人逐一嘗試。排名最高有8間，包括有藏壽司（くら寿司）、壽司郎（スシロー）、Hama壽司（はま寿司）、魚米（魚べい）、河童壽司（かっぱ寿司）、壽司銚子丸（寿司銚子丸）、Gatten壽司（がってん寿司）及Misaki（回転寿司みさき）。從第8名嘅開始試，Misaki（回転寿司みさき）於原宿竹下通就有分店，以早餐計算，人均800円有找，算係平定貴就見仁見智。