免手續費、無需帶神沙離開！日本機場POCKET CHANGE直接轉存Suica／Pasmo／Icoca！搶眼全綠色入錢機大阪心齋橋筋都有！
【#免手續費】E.A.Two去旅行通常會盡快用晒口袋中嘅硬幣，唔會留太多，皆因硬幣好重又麻煩。不過，近年先發現好多人去旅行都唔會特別去解決當地嘅硬幣，尤其遊日期間，只係使用大額紙幣，而小額硬幣就逐漸佔據好多地方，回程時淨返大量神沙。今次就推薦一部日本智能兌換貨幣機器，多數日本機場都有一部，拍拖兩個人臨上機之前可以將硬幣轉入Suica、PASMO、ICOCA等交通卡，留返下次遊日使用，全程免手續費！【#】