目的只為大家搜羅香港最新同值得留意嘅餐廳。
免責聲明﹕餐廳均為自費，只為編輯親身實試，所有發表之原創文章內容僅屬個人意見及感受，不代表餐廳言論及立場，更多資訊請直接查詢官方平台或尋求專業意見，若從而引起任何損失或法律糾紛，本平台概不負責。
【#真日式居酒屋】香港人對於香港餐廳小店水平標準要求特別高，恍惚要批評先代表自己有品味，但事實上懂得批評並唔等於有品味，懂得如何欣賞先係最高境界。至今，E.A.Two編輯從來都未見過有一間香港餐廳小店係無任何香港人批評過；連帶做其他事情都係一樣，分別在於你紅定唔紅，無論你做到90分定100分，始終都有人批評。今次E.A.Two前往一個尖沙嘴被稱為「死場」嘅商場，當中有一間水準頗高、來自日本人嘅日式居酒屋，縱然走唔甩一定會有少數人批評，但至少好少見人大力批評，編輯試過後亦想豎起手指公讚好，值得情侶拍拖兩個人去撐檯腳。
【#本土牛丼御三家】「加藤屋Katoya」於今年3月全線結業後，本來牛肉飯只係剩低早於2019年已率先插旗香港嘅日本連鎖牛肉飯連鎖店「すき家Sukiya」。今年夏天，卻先後有2間牛肉飯店開業。其中一間係於7月中開業嘅本土牛肉飯「牛丼家Gyudonya」，1個月後，連另一間日本連鎖牛肉飯連鎖店「松屋Matsuya」都正式登陸香港，令香港出現牛肉飯大混戰！日本有知名嘅「牛丼御三家」，E.A.Two就為情侶拍拖兩個人自選本土推介「牛丼御三家」，至於香港嘅「吉野家Yoshinoya」，我哋唔鍾意揀。
【#黃埔玻璃屋】平常想拍拖兩個人喺香港搵間Cafe，食飽後再坐吓唔容易，一係份量唔夠飽肚，一係人流客量眾多導致限時用餐，有時候難免用外地咖啡店比較。不過，香港其實一樣可以搵到能夠飽肚又可以慢慢坐嘅咖啡店，就好似近紅磡、黃埔嘅「& Green」，同其他咖啡店價格相近，但份量就正常好多！
【#香港松屋】等候多時，香港區「松屋」千呼萬喚始出來！由日本總公司直營嘅「松屋（Matsuya）」於8月中正式登陸香港，並選址佐敦區，對視日本為鄉下嘅香港人絕對係恩物，就算情侶拍拖兩個人唔係成日可以飛去日本，都可以食到日本版嘅燒牛丼啦！即刻睇吓E.A.Two實試「松屋」香港店，雖然大致上係還原日本「松屋」，但原來都有3點係同日本分店有分別呢！
【#火炭玻璃屋】以往去旅行，台灣、泰國都有唔少玻璃屋咖啡店，吸引唔少情侶拍拖兩個人去打卡，香港則少之又少。於Google Map內，火炭區竟然有一間寫住「玻璃屋」咖啡店，即管去試一試！
【#高水準泰國菜】土瓜灣雖然已進行重建，唔少小店都被逼結束營業，但該區依然有小店尚存，其中有間泰國菜小店，水準不俗，不妨拍拖兩個人去試一試！
【#米芝蓮小店】《米芝蓮指南》係唔少人嘅美食地圖之一，整份指南云云有好多間食肆，但E.A.Two精選嘅只係得10間，都係值得拍拖兩個人支持嘅香港小店。不過有一間於攞完2024年米芝蓮之後，就已經宣佈結業，即刻睇重有邊9間小店，mark實地址去醫吓肚啦！
【#大埔勁賞fun】近年，香港充斥「結業滿」，好多小店相繼做唔住宣佈結業，加上香港人瘋狂北上及外遊，令香港小店生意百上加斤，情況甚至比疫情嚴峻。唔少租金不跌反升，生意額卻不復再，令香港值得支持嘅小店經營更困難。E.A.Two一直支持大家情侶拍拖兩個人留港支持小店，但力量始終有限。最近，大埔區就發起自救活動，由Facebook群組「大埔為食友」及該區人士舉辦一個「大埔勁賞fun」活動，聚集52間大埔小店，由各小店提供優惠，只要前往打卡，同時分享該宣傳片，就可獲得個別餐廳獨家優惠。即刻睇睇每間大埔小店有咩優惠啦！
【#和記重開】灣仔「和記餐廳」於上年9月中宣佈結業，唔少人都大嘆不捨。該店曾經係一間一直支持本地音樂嘅小店，更好自豪地將自己標籤為茶餐廳Crossover本土音樂及文化。近月「和記餐廳」借屍還魂，於灣仔重開，只不過將茶餐廳改為咖啡店，適合情侶拍拖兩個人去悠閒醫吓肚，目前重可以食班戟漢堡添！
