西環鐘聲泳棚係60s至70s人游水嘅地方，長木橋、竹棚、綠色鐵皮小屋模式好簡陋嘅更衣室，但就無救生員，落水真係要小心。
直到而家都仲有啲上咗年紀嘅人落水游，不過更多嘅係排隊打卡嘅後生仔女。
事實上西環泳棚有大海、長橋、日落，拍拖嚟又真係幾好影嘅，條長木橋其實係用嚟落水，但而家變咗用嚟打卡。
其實企呢啲地方影相都幾牙煙，一個浪打埋嚟就唔見兩個人，為咗打卡，咁危險真係唔係好值得。
小編表示一來唔想排隊影相，二來覺得太危險，所以只係喺上面影落去就夠。
地址﹕摩星嶺域多利道
交通﹕
1. 中環碼頭>搭54號小巴>經堅尼地城>西環泳棚落車
2. 搭5號城巴>西環廢物轉運站落車>沿斜路行>會見到西環泳棚入口>沿著綠色欄杆行樓梯落山>直通西環泳棚
3. 堅尼地城站C出口>沿海邊行到廢物轉運站>直接沿斜路行>會見到西環泳棚入口>沿著綠色欄杆行樓梯落山>直通西環泳棚
E.A.Tips﹕天氣涼記得帶多件褸，近海有風
延伸閱讀﹕西環碼頭貨櫃打卡 跑步散步一流
延伸閱讀﹕文青感滿滿！ 西環小公園水管打卡 神還原叮噹/多啦A夢場景
在〈西環鐘聲泳棚 未必排隊先影到靚相嘅……〉中有 3 則留言
留言功能已關閉。