青欣山

青衣輕鬆上山 飽覽青馬大橋景



    呢座青欣山等於寮肚山,我哋行嘅呢條青衣自然徑即係青衣回歸紀念徑。

    一般人通常以長宏邨作起點,沿青衣自然徑行到青衣西,小編相反地由青衣行沿青衣自然徑行到長宏邨作終點,兩個人走嗰時去到巴士站可以直接走。

    調轉行有個好處,就係拍拖上山唔需要同人逼,不過同時上落時會麻煩少少。

    由青衣西面作起點就會先睇到青馬大橋景色,呢個位可以近距離飽覽橋景,如果撞啱有日落仲靚 之後先會行過啲觀景亭,再俯視葵涌、荃灣同青衣市景。

    當日少少陰天同煙霞,所以兩個人先行呢啲hea又安全嘅山。

    景觀唔算靚,但hea住上陣山都好。

    唔想太辛苦,又想上山嘅話,行呢個路線都唔錯。

    全長﹕3.5km
    所需時間﹕約1-1.5hrs

    留意﹕無補給點

    起點﹕青衣自然徑入口

    延伸閱讀﹕全港5大快靚正登山點 15分鐘即達山頂

    Δ 版權為E.A.Two 兩個人醫吓肚所有,歡迎轉貼連結,勿全篇文章轉載

    Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!