經過海濱長廊，兩個人即抵達烏溪沙碼頭同青年新村，再向前行就到達馬鞍山烏溪沙石灘。
烏溪沙沙灘最出名嘅係心形石，好多人嚟呢度為咗呢個，拍拖嘅人一定會去心形石同日落景打卡。
據了解，最先係郭伯伯將石搬走方便落水游水，後來經由康文署退休花王吳伯伯堆石砌石而砌出嚟嘅心形石堆，後來啲人仿傚愈砌愈多，愈砌愈大嚟打卡，逐漸變馬鞍山打卡地標海洋之心。
而區內居民曾不滿啲人影響當地生物棲息同帶嚟水土問題，甚至毀壞紅樹林生態，最後政府部門都介入過。
心形石要喺咁啱退潮先會出現，當日小編兩個人去就見唔到啦，所以行過少少去咗第二度影。
講景觀，睇日落又真係幾靚嘅，睇到吐露港、八仙嶺，碼頭吹吹風亦好舒服，好多人都嚟影婚紗相同紮營，對岸科學園三四月，仲有櫻花睇。
拍拖打卡位﹕
1. 石壆
2. 石灘
3. 碼頭
4. 日落
注意﹕
*愛護環境，千其唔好亂扔垃圾
*尊重居民，唔好放聲喧嘩
地址﹕沙田區馬鞍山烏溪沙
開放時間﹕24hours
交通﹕馬鞍山新港城中心➡沿行人天橋行到盡頭➡轉左落天橋➡沿單車徑行到盡頭➡左轉去長徑村方向➡經2個碼頭➡行約10mins即達
延伸閱讀﹕馬鞍山普通質素平民食肆 食物質素有待改進
延伸閱讀﹕馬鞍山蒲桃開花似光纖 果實香甜可食用
在〈馬鞍山石灘 最啱影婚照〉中有 3 則留言
留言功能已關閉。