睇咗小編咁多篇賞花地圖，大家又有無聽過或見過禾雀花呢？每年春季，黃大仙一個地方都會有得睇禾雀花，一般喺郊區出現，呢種花卉一般於市區比較罕見，兩個人拍拖得閒就去探索吓啦！
禾雀花除咗喺郊區出現，黃大仙廣場都有得睇！禾雀花有兩種，分別係白花油麻藤、常春油麻藤，至於黃大仙廣場呢種顏色偏紫調嘅禾雀花就係後者，於3至5月綻放，花期約有40日。兩種禾雀花同樣外形奇特，貌似禾雀，原產自亞洲熱帶、亞熱帶地區，花冠為白色或紫色，長7至9厘米，整體似卵狀，呈橢圓形。
目前見到嘅禾雀花，確實有幾分似禾雀，花托為頭，小黑點為眼，中間一瓣彎弓為背，兩邊花瓣為翼，底瓣向後延伸則為尾，花蕊即為內臟，旁邊遍佈花藤，禾雀花就狀似玲瓏翡翠鳥。
紫調禾雀花充滿光澤，珍貴而罕有，屬香港瀕危保護植物，多於潮濕地方生長。雖然禾雀花藤莖可以入藥，有助強健筋骨、祛風濕、舒筋活絡、補血作用，但花籽有毒，絕不能胡亂進食！
E.A.Tips :
(1) 禾雀花只係喺黃大仙廣場嘅一角，佔地唔多。
(2) 賞花還賞花，記得保持安靜。
(3) 自己垃圾要自己帶走。
(4) 愛惜花卉，勿破壞或採摘返屋企！
黃大仙廣場
竹園龍翔道 
24hours 
2351 7535
在〈【2021賞花地圖】罕見瀕危保護植物 黃大仙禾雀花似玲瓏翡翠鳥〉中有 2 則留言
留言功能已關閉。