小編兩個人四圍行吓時，見到呢度好多memo紙，咁啱又口喝就買咗兩杯嘢飲，黃色經濟圈點都support吓！
論質素其實茶飲本身都已經唔差，唔會因為自己係黃店多人幫襯就求其咗。小編兩個人都係茶迷嚟，好鍾意飲茶。茶飲嚟講算唔錯，起碼飲落有茶香，唔係甜到漏嗰種茶飲。
海鹽雲頂桃花 $32
呢杯唔單止好飲，Pink Pink哋好啱女仔，可以打個卡！小編最鍾意士多啤梨味嘅嘢，頂頭舖咗海鹽，下面就係加咗士多啤梨味嘅烏龍茶。加入酸酸甜甜嘅士多啤梨清新開胃，攪勻海鹽之後酸甜味帶少少鹹味，加上清香烏龍茶味，層次好豐富。
鹽雲頂桃花
海鹽雲頂松柏烏龍 $22
呢杯頂頭一樣舖有海鹽，下面就係純松柏烏龍茶，茶味芳香，飲落甘甜，清清哋，飲到底一樣有清香茶味。不過記得要攪勻先好飲，開頭無攪到上面啲海鹽好鹹。
拍拖行街口渴時，記得要識揀買邊間啦！
茶理史
地址﹕元朗又新街38號恆富大廈地下14A號舖
營業時間﹕12:00 – 23:00
延伸閱讀﹕尖沙嘴台式黑糖珍珠厚鮮奶 嗌少甜啱啱好
延伸閱讀﹕深水埗過江龍茶飲 手作功夫茶蜂蜜替果糖
