[sig_post_pv label=””] 個人瀏覽過
位於大角嘴嘅東京手打烏冬專門店，講到明主打係手打烏冬，手打烏冬店的確比拉麵店少，呢間價錢幾親民，每款以街坊價，拍拖兩個人去都會覺得係經濟型嘅選擇。
室內環境舒適，地方格局夠寬敞，加上大窗令室內可透入自然光，唔會太昏暗。菜式上各有4款刺身壽司定食、手打烏冬定食，亦有10款料理定食可擇。
汁燒牛肉手打烏冬定食$53 有前菜中華沙律、2件加州卷嘅卷物、汁燒牛肉手打烏冬，同樣可揀日式清湯或豬骨濃湯。手打烏冬麵條的確爽滑彈牙，並非軟身，反而係粗身有咬口，但有幾分似超市嗰種手打烏冬。湯底較清淡，但突出汁燒牛肉嘅濃香味，汁燒牛肉醬汁不俗，牛肉份量唔少，有預先預香過，只係牛肉質感稍為老。清淡豬骨濃湯配上濃郁牛肉汁會比較好，白滑烏冬同時撞上牛味、豬骨味，略略掛汁，稍有火花。
鮮之優選什錦壽司定食$65 包含前菜、手打烏冬、8款壽司，有三文魚、吞拿魚、甜蝦、八爪魚、帶子、北寄貝、卷物，湯烏冬可揀日式清湯或豬骨湯。刺身壽司幾新鮮，壽司飯大小適中，刺身唔算薄切，三文魚、吞拿魚肥美厚肉，甜蝦亦為有頭甜蝦，好鮮甜，選擇困難症嘅人可以揀刺身壽司，配上日式Wasabi芥辣都算係不敗之選。由於壽司為主，所以豬骨湯手打烏冬大小份量比前者細一至兩倍，湯底原本味道比較明顯，豬骨味較弱，配合粟米、海藻似雜錦烏冬。
E.A.Tips﹕
(1) 位置於杉樹街、埃華街交界。
(2) 下午茶僅於平日下晝有得食，Weekend係無嘅。
套餐有配上飲品 
東京手打烏冬專門店
大角嘴櫸樹街88號奧柏‧御峯地下G11&G12號舖 
11:30 – 22:00 
2994 1128
