【2021賞花地圖】兒童遊樂場藏雙彩虹打卡點香港公園紅花品種雞蛋花盛開

[sig_post_pv label=””] 個人瀏覽過

色彩繽紛嘅場景向來都係少女們嘅熱門打卡點，尤其係彩虹色，以至彩虹邨、壁畫村引來一眾打卡人士慕名而至，但事實上本地彩虹景點又豈止幾處地方？香港公園內都有一處彩虹秘地，不單可以拍拖兩個人拍攝雙彩虹，亦可以找尋正宗雞蛋花蹤影。

香港公園內嘅雞蛋花為紅花品種，既為正宗，亦較為罕見，本身原產自墨西哥到委內瑞拉及西印度羣島，同一般人認知嘅白花黃心稍有分別。

雞蛋花大多數於3至9月盛放，而5至6月通常係雞蛋花最燦爛嘅時候，雞蛋花會於有陽光照射，而泥土肥沃、深厚、通透嘅情況下生長。

香港公園原為域多利軍營，1991年啟用至今，佔地甚廣，園內保留軍營文物建築物如茶具文物館、紅棉路婚姻登記處、香港公園辦事處、香港視覺藝術中心等。公園依山而建，有唔容易壞嘅噴泉、瀑布、人工湖、溫室、觀鳥園，更有一個好適合打卡嘅兒童遊樂場。

遊樂場有多個平台，每步上一層都有唔同兒童遊樂設施，面積逾千平方米，內有招牌滑梯、沙池、韆鞦等。而遊樂場內最特別之處係所有牆身都髹上彩虹色，顏色繽紛，相當搶眼，唔似彩虹邨經過歷練後已逐漸出現褪色情況，顏色唔再鮮艷奪目。

反而呢個遊樂場內嘅牆身就非常艷麗，絕對係一個呃Like打卡位！如果配合適當角度，更加可以拍攝出雙彩虹畫面，亦係一個吸睛位。

E.A.Tips :

(1) 乘搭巴士路線 1, 5B, 6, 6A,6X, 10, 12, 12A, 12M, 15, 15C, 23, 23B, 26, 37A, 37X, 40, 40M, 66, 75, 90, 90B, 97, 101, 103, 104, 109, 111, 113, 115, 590A, 601, 603P, 619, 629, 681, 681P, 690, 720A, 789, 905, 930, 934, 935, 960, 961, 962, 962B, 962x, 967, 968, 969, 969A , 969B, 978、小巴路線 1A, 2, 3, 3A, 9, 10, 22, 24A, 24M 均可到達香港公園，而公園內並無公眾停車場。

(2) 香港公園靠近山頂纜車中環花園道站，正對中環美利大廈。

(3) 雞蛋花位置靠近人工湖、茶藝館。

(4) 香港公園兒童遊樂場旁為觀鳥園，近香港公園體育館。

(5) 兒童遊樂場內到處都係彩虹牆身，影相無必要同人爭，而遊樂場係小朋友玩樂地方，唔好影響使用者，最好避免假日去。

(6) 愛惜花朵，勿隨意採摘雞蛋花。

(7) 保持安靜，唔好騷擾公園內其他人。

(8) 留意疫情期間公園有特別措施，體育館每逢第一、三個星期一朝早會暫停開放作場地保養工作，公眾假期則會順延一個工作日；而兒童遊樂場則會於每個星期一朝早暫停開放作場地保養工作，至於場內沙池則暫停開放至另行通知。

(9) 公園為保障兒童安全，遊樂場內裝有CCTV。