即興飲杯嘢!深水埗街角尋寶 驚現全區唯一24小時營業咖啡店

[sig_post_pv label=””] 個人瀏覽過





提到飲杯嘢,自然聯想到唔係飲酒就飲咖啡,而呢句嘢通常都係興之所至而講,酒吧無錯係飲杯嘢嘅好地方,可以一邊飲酒、一邊傾吓偈,但又未必個個都想飲酒,呢個時候就要搵吓有咩地方可以飲吓嘢啦!深水埗一個街角就隱藏一間開足24小時嘅咖啡店,保證隨時想去飲嘢就飲嘢,適合夜貓子拍拖情侶。

小店以3條9命名,簡單易記,其中一個9字改為Dog,意思上雖然無講明,大概可以自己代入。位處福榮街、黃竹街交界,方便深水埗區內街坊,同時靠近太子,唔需要凌晨夜媽媽走出尖沙嘴、中環,都可以隨時落街飲杯嘢。比起酒吧,欠缺嘅只係高檔、嘈雜感覺,相對草根,僅以啡色為主調,設有少量吧枱,但就可以安靜地飲杯嘢,反而有自成一角嘅感覺。

店內以精品咖啡為主,亦有非咖啡嘅選擇,兩個人或多個人都可以隨時隨地飲杯嘢。當中,以一端街道命名嘅黃竹街$48,為獨家飲品,就以士多啤梨混合燕麥奶,再加入奇亞籽,感覺似士多啤梨奶昔,夠可口,有層次,甜度適中,略有飽肚感,比咖啡係簡單啲,同時對腸胃更好。



氣溫愈來愈高,相比咖啡,似乎冰涼飲品更可以解渴,另一款係特色冰搖凍茶$38,有3款口味,其中有芒果熱情果,配梳打、奶茶加$10,入口清新,果香誘人,酸甜味充足,幾清爽,適合夏天飲用。

輕食當中有意粉、All Day Breakfast等,小食有燕麥奶燕麥配牛角酥$48,一邊有燕麥溝牛奶,另一邊有酥脆牛角酥,起碼溫暖軟熟,餡料可以自由選擇加配芝士、Parma Ham等。


E.A.Tips﹕

(1) 乘搭巴士路線171A, 171P, 37, 905, 970, 970X 可來往佐敦道至屯門、元朗方向到達深水埗。

(2) 店內為立食立飲,無座位,但店舖隔離、外面有少量座位可以坐。

(3) 小店為唯一24小時營業嘅咖啡店。


Dog99 Coffee

深水埗福榮街23號地舖
24小時營業
3565 4937

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


在〈即興飲杯嘢!深水埗街角尋寶 驚現全區唯一24小時營業咖啡店〉中有 1 則留言

留言功能已關閉。