尖沙嘴呢間cafe近美麗華(佐敦方向)，鬧市中有脫俗feel，餐廳走文青風，裝潢設計夠簡潔。
門口以吧枱設計，但唔算庸俗，建議兩個人食飯嘅話，建議揀近門口位置就比較寬廣，不過拍拖想有私隱啲，就可以揀入面小枱位置。
小編同朋友小聚試咗吓，試咗杯Avosmoothie $58 牛油果昔 = 牛油果奶昔 牛油果/椰子水/龍舌蘭蜜製成 。
本身小編勁愛牛油果！將牛油果磨成蓉，再混合椰子水同龍舌蘭蜜，味道清新可口，嗰支其實唔係飲管，係攪拌棒，牛油果昔質感滑溜，聞落有啖啖清新花草香，味道清甜。
鮮帶子黑松露意大利麵 $168
芝士醬汁混合點點黑松露，意粉好惹味，芝士醬汁有啲膩，2個人食先得。
芝士蘑菇釀雞翼 $68/4隻
將芝士同蘑菇釀入無骨雞翼，幾巧功夫，燒得勁香口，咬落去有芝士汁嗌出，蘑菇同芝士喺雞翼中混合好惹味。
梔子 Zi
地址﹕尖沙咀山林道8號地舖
電話﹕2778 1628
延伸閱讀﹕半百老牌冰室 必食超濃蕃茄湯+蠔油雞翼
