小編原本兩年前喺大角嘴發現呢間舖，佢主打係芝士卷物同壽司，但於小編眼中佢嘅重點係手卷，之後佢轉到藍田，近咗反而少食咗，兩個人拍拖時記得去撐吓良心小店啦。
芝C卷 $38
芝士卷物有芝士、三文魚、帶子、飛魚子，用反卷形式用壽司飯包住三文魚同流心芝士，然後再外舖一層芝士、帶子、飛魚子，加埋忌廉芝士、車打芝士、水牛乳酪芝士， 一次過食到幾種芝士，絕對係芝士控必食！
芝味加拿大海膽手卷 $44
Miss A個人偏愛手卷，因為最抵食！價錢唔高用料充足，今次揀海膽手卷，質素唔差，入口即溶，平時食啲手卷，食食吓去到大概3分1就無餡，但呢間勁足料，佢個包法係食到底都係餸！不過以前有四拼手卷，而家無啦……
芝C Sushi
地址﹕藍田匯景道8號匯景商場5樓66號舖
營業時間﹕12:00 – 22:00
電話﹕6528 6855
在〈芝士控必食！ 藍田手卷食到底都係餸〉中有 1 則留言
留言功能已關閉。