要數香港其中一座最易行嘅山，一定係嘉頓山啦！嘉頓山位置喺深水埗至石硤尾之間，行幾分鐘已到山頂，直上樓梯後，可以從山頂飽覽深水埗嘅城市景，主要其實都係樓景，黃昏可以睇夕陽靚景。
位處深水埗嘅嘉頓山高約90米，又名喃嘸山、水庫山、煙墩山，小山丘西面望大埔道，北面望澤安邨。點解叫嘉頓山？有指原因係啟德機場關閉前曾經有一座方便維修員上山嘅行車徑，可到達飛機訊號燈塔，山下有一座嘉頓麵包廠房，廠房旁邊為晨運徑，小山丘並無名字，所以約定俗成下就被稱為嘉頓山。
從嘉頓山山頂，可鳥瞰深水埗至石硤尾嘅樓景，一講樓景以為無咩好睇？各種樓宇包括舊式唐樓同公共屋邨，其實充滿本土特色，最值得觀賞係日落靚景同夜景，眼力好嘅話仲可以遠望昂船洲大橋。兩個人行15mins至20mins就可以上到山頂，景觀優美。
15mins就上到山頂，最適合嫌行山遠又辛苦、平時喺市區拍拖嘅情侶啦！
去程方法﹕由高登電腦商場行5mins到達美荷樓，沿樓梯行15mins即可上到山頂。
嘉頓山
地址﹕石硤尾白雲街石硤尾食水配水庫
延伸閱讀﹕全港5大快靚正登山點 15分鐘即達山頂
在〈全港最易行嘅山 深水埗嘉頓山連睇日落兼夜景〉中有 3 則留言
留言功能已關閉。