兩個人放假無地方去?不妨去中環大館拍拖行吓啦! 除咗可以打吓卡影文青相,而且特色小店林立,仲不時有藝術展覽。
當中好多人都會揀17座F倉連接賽馬會藝方影相,貪佢有藝術牆古蹟石磚牆,喺紅磚牆前影相的確幾特別幾有feel嘅 。
賽馬會藝方就有條建築好特別嘅旋轉樓梯,由上而下或由下而上影都幾有藝術美感。
至於檢閱廣場就係公共空間嚟,有棵好有歷史價值嘅芒果樹,坐低慢慢抖吓幾chill吖。
而域多利監獄監倉亦係好多人嘅打卡位,好多人都扮吓囚犯,不過小編覺得無咩好影,好touchwood,樓梯同磚牆映襯反而比較特別。
交通﹕
中環站D1出口>經畢打街>右轉去皇后大道中> 行去砵典乍街再左轉>行去荷李活道就見到
歷史建築級別法定古蹟 落成年份﹕1864年
打卡位﹕
1. 紅牆/白牆/藝術牆
2. 域多利監獄監倉
3. 賽馬會藝方旋轉樓梯
4. 芒果樹下
5. 長樓梯
地址﹕中環荷李活道10號
開放時間﹕10:00–23:00
延伸閱讀﹕添馬公園最啱拍拖野餐 雲石櫈影天空之鏡
延伸閱讀﹕激罕哥德復興式建築 中環聖約翰教堂打卡
自動引用通知: 添馬公園最啱野餐 雲石櫈影天空之鏡 | eatwo 兩個人醫吓肚
自動引用通知: 白色情人節 坐一轉摩天輪 | eatwo 兩個人醫吓肚