元朗信芯園2025年11月最後向日葵花海！預料翌年被收地、太陽花絕跡？即睇最真實交通＋徒步路線！
【#向日葵花園】元朗「信芯園農莊」近年一直係網美喜愛嘅向日葵花海打卡地，每逢夏季都有唔少人慕名而至，爭相追訪一朵又一朵又叫太陽花嘅向日葵。拍拖兩個人前往影相又真係幾浪漫，整個場景猶如台中「中社觀光花市」，其實香港都有能夠媲美外地嘅景點。不過，最近「信芯園」2025年11月嘅太陽花已經到達最後一季，因為預計2026年呢一帶陸續被收地，花海有可能絕跡小磡村。想要睇最後綻放嘅向日葵／太陽花花海，即刻睇以下最真實嘅搭車同徒步路線！