eatwo 兩個人醫吓肚

【#賞花地圖】踏入3月下旬，以為已經無櫻花睇？事實上，大多數本地櫻花已經開花，甚至過咗花期，已經凋謝，重想睇櫻花嘅你，不妨兩個人去鴨脷洲行吓，皆因海旁重有櫻花正盛放當中，合共約有14棵八重櫻，一棵又一棵，形成花海，拍拖睇睇都幾浪漫㗎！

【#遊走古道】由西貢行入馬鞍山，只需1小時即可穿過北港古道、茅坪古道，雖有部份上落斜路段，但沿途樹蔭連綿，毋須暴曬，屬一道休閒路線，即使兩個人夏天拍拖上山亦算適合。

【#賞花地圖】佐敦谷公園擁兩片大草地，係著名嘅野餐好去處，今年公園內有簕杜鵑花，重有位置神秘嘅宮粉羊蹄甲，人跡罕至，拍攝時充滿和風味道，狀似櫻花地，有別於一般地點，相當浪漫。

【#牛氣沖天】早前《米芝蓮指南香港澳門2021》公佈完整名單，港島有7間良心店入選當中必比登美食推介，推舉$400以下而物有所值嘅餐廳，天后區內八寶清湯腩就係其一，到達呢間米芝蓮級數小店係咪真係星級味道？

【#賞花地圖】向來物種豐富嘅嘉道理農場暨植物園終於喺上月重開，既可行吓觀音山，亦有有各式動物、多種植物可以觀賞，更加係春季賞花好去處之一，拍拖閒遊可以行足半日！早前嘉道理農場暨植物園就有櫻花、梅花、吊鐘花、桃花等綻放，今個月更有浪漫紫藍色嘅藍花藤、罕見嘅白花油麻藤等亮麗花卉，絕對值得兩個人去打卡！

【#小路延伸】靠近西灣河嘅筲箕灣配水庫遊樂場，既有大草地、緩跑徑，其實亦係城中後花園，配水庫旁邊有一道小路一直延伸至郊遊徑，直上觀景位，既可眺維港，亦可望飛鵝山、東九龍一帶風景。