分類: 新界

【#邊境山頂】如果提到嘅行山路線位處邊境，你敢唔敢拍拖兩個人去？今次遊走嘅邊境小山丘為香港最北端位置，於羅湖、落馬洲之間，僅高約186米，但必須步行一道45度角斜坡嘅無盡上行路段，頂端座落一間已經荒廢嘅小屋，適合廢墟攝影，而天台頂端更有小路直通直昇機停機坪，既可找尋天空之城，亦可於芒草群打卡，更可環瞰270度香港及深圳兩岸景色。

【#滑翔傘起點】西貢與馬鞍山之間穿插好幾條行山路線，當中馬鞍山郊遊徑係拍拖兩個人熱門路線之一，行得冷門路線多亦會想間中行吓熱門路線，大多數人都會選擇由馬鞍山出發，然後以西貢為終點，但編輯則認為該方向人流過多，反而以西貢起步，再以馬鞍山為終點則走得較舒服。

【#黃昏白樓】兩個人週末去邊好？有時候拍拖行程會令唔少男士煩惱，女生們大多鍾意影相打卡，男士可能唔想諗咁多，又或者唔想去太多人去過嘅地方，想遠離城市繁囂，以下呢個地方就可以滿足晒幾個願望。

【#楓葉率先睇】秋「楓」起，又係時候兩個人去尋找楓葉蹤影！季節限定嘅楓葉正準備漫山遍野盛放，要數種植香港楓葉嘅地方，大多數人第一時間一定會諗到元朗大棠楓香林，又或者近年受行山客歡迎嘅大埔烏蛟騰九擔租風水林，甚至係大欖郊野公園、青衣公園等賞楓好去處，今次編輯就帶大家去更鮮為人知嘅賞楓秘地，當日現場全無他人，顯然該楓香地帶未完全曝光，值得拍拖情侶去靜悄悄觀賞紅葉風景。

【#芒草路線2021】秋天又係影芒草嘅時候啦！唔少人都會上大東山、飛鵝山、大帽山影芒草，今次編輯就行另一條路線，都係上山，不過只係一座簡易小山峰，海拔僅高約121米，靠近元朗、天水圍，拍拖兩個人上山頭盡覽360度景觀，路程短途之餘亦可見芒草、蘆葦草風景，觀賞黃昏日落景、晚霞景，交通同樣非常方便。

【#晨運路線】青馬大橋係連接青衣、馬灣嘅主要路線，向來係攝影人士愛好影吓相嘅地方，唔少人亦會專程對青馬大橋打個卡，逐漸變成打卡地標，事實上最適合拍攝青馬大橋嘅地方有兩條路線，其中一條係可以放眼大橋嘅青衣自然徑，另一條路線則為探索大橋底部嘅西草灣，既係老少咸宜，亦都係適合拍拖兩個人散吓步嘅好地方。

【#芒草預告】秋季來臨，既係觀賞紅葉嘅季節，亦係找尋蘆葦同芒草嘅季節，秋天就係蘆葦同芒草最佳觀賞期，今次編輯先以一條路線帶大家去搵吓蘆葦同芒草啦！蘆葦同芒草向來係攝影不敗題材之一，情侶拍拖去影吓相亦難掩浪漫，不過芒草同蘆葦、茅草並唔一樣，大多數芒草都係生長於山上，如果唔行山其實係難以找尋得到，但事實上亦有地方係無需要辛苦上好高嘅山亦可以拍攝到！

【#偌大草地】提到地質公園，大多數人諗起嘅都係橋咀島等熱門景點，編輯反而想提及荔枝莊內鮮為人知嘅香港世界地質公園，各種風化岩石極具觀賞價值，而荔枝莊既連接白沙澳，亦可直通往深涌，擁有綠草如茵大草地嘅深涌曾一度係露營發燒友愛到嘅戶外露營地，拍拖兩個人於大草地內散步行逛，空氣清新，令人放鬆又自在。

【#半月堤圍】以西貢曝罟灣為行山路線，路段並唔複雜，最特別嘅地方係當中小海灣內有一道半月形小堤壩，中間可見小閘門，包圍曝罟灣，不過當中半月堤圍經已荒廢，目前係釣魚容、行山客嘅一個小地方，只係人流唔多，未演變成遊客勝地。大多數人都會選擇經起子灣前往，編輯就挑選一道比較容易步行嘅路線，無需要綑邊而走，亦無需要辛苦爆林，但時間相若，適合拍拖兩個人一齊找尋呢一道神秘嘅半月堤圍。

【#船河路線】提到遊船河，大多數人都會諗到西貢出發嘅船P（船上派對），如果想兩個人更切身感受海上風光，不妨挑選另類路線，無需要落水都可以於船上觀賞兩岸風景，今次推介連接屯門至大澳嘅航線，拍拖每人$25至$30即可以於1小時內享受海上景觀，左右兩岸皆風光如畫，風景方面比西貢出發更壯麗，而當中日落限定嘅航線更加係拍拖兩個人非搭不可！ 注意上船要好好保管個人物品，千祈唔好跌落地下，因為上層地下係無遮掩，隨時會跌落海，跌嘢唔好搵唔好執啦。