青馬大橋係連接青衣、馬灣嘅主要路線，向來係攝影人士愛好影吓相嘅地方，唔少人亦會專程對青馬大橋打個卡，逐漸變成打卡地標，事實上最適合拍攝青馬大橋嘅地方有兩條路線，其中一條係可以放眼大橋嘅青衣自然徑，另一條路線則為探索大橋底部嘅西草灣，既係老少咸宜，亦都係適合拍拖兩個人散吓步嘅好地方。
青衣自然徑又叫做青欣山，係青衣區內好平常嘅郊遊路線，有多條石級，但全程為石屎路，45分鐘可以走完。路段設有多個觀景台，但已經被開闢出多個賞景山路，官方郊遊徑路段合共有3.5公里長，從標高柱位置可回望青衣，環瞰青馬大橋，甚至一端可望汀九橋景，亦可眺望青衣三支香、細山、馬灣方向，風景有山有水，景觀遼闊，加上山徑林蔭充足，環境舒適。
由青衣青華苑出發上山，入口位處青衣西路，大型牌坊非常清晰，初段循引水道走，期後不時要攀上梯級，一直沿青衣自然徑步行，可折返長亨邨或長宏邨方向，路段簡單易行，兩端入口分別高約90米、120米，而青欣山最高點則僅約210米，適合當作晨運路線。
而前行至石環觀景台，可沿涼亭背後山路走，近距離觀賞青馬大橋橋面。繼續前行至另一個標高柱，位置為寮肚山山頂，亦係賞景好地方，尤其係靠近西面，可觀賞夕陽西下時，可於山嶺觀賞夕陽斜照嘅壯麗海景，可同時連接青馬大橋、馬灣、大嶼山風景。
循青衣自然徑步行，不難發現山腳底為西草灣船塢、油庫，西草灣路線與青衣自然徑路線嘅共通點為正對青馬大橋，只不過前者望橋底風光，而後者則望橋面風景，絕對係任君選擇。
至於青欣山嘅山腳底下，其實就係青衣西草灣，比起青衣自然徑係更神秘嘅地方，人流更少。西草灣比起青欣山，最大分別係從仰視角度觀望青馬大橋，而非俯視角度，等同每一件事從唔同角度觀看先可以得知事情嘅真相，從唔同角度觀望大橋可以找尋另賞風光。
延伸閱讀﹕青馬橋底睇日落！青衣西草灣賞景打卡秘地 細山步行徑近三支香談心好地方
E.A.Tips :
❷ 石環觀景台背後有一道小山路，可以通往引水道，不過係非官方行山徑，而且草叢多，路面稍斜，縱然有欄杆，亦要小心安全。
❸ 注意青衣自然徑雖為石屎路，但就無街燈，若太夜就要準備好頭燈。
❹ 青衣自然徑不昤有樓梯級，但上落唔算多，只係大概上落三四次。
❺ 謹記自己垃圾自己帶走。
❻ 要於青衣先作補給點，長宏邨、長亨邨亦有便利店或超級市場。
❼ 要做足防曬、防蚊措施，石環觀景店後草叢較多，另外要有足夠糧水作補給。
青衣自然教育徑
寮肚路至青衣西路
在〈兩條路線望青馬大橋！青衣自然徑放眼橋面vs西草灣窺探橋底風景〉中有 1 則留言
留言功能已關閉。