心事如塵茶食亭

本地插畫師開設 上環療癒度高茶食亭主打果茶輕食



上環小巷內有一間由本地插畫師DustyKid小塵開設嘅茶飲兼烘焙輕食店,除咗供應以甜酸苦辣為主嘅茶飲同輕食,亦將文字療癒感應用喺食物,每件都有打氣金句鼓勵港人,不時有新品推出。

呢間心事如塵茶食亭主打有黑糖珍珠、果肉梳打、果茶系列、冷泡茶等,輕食有手工製蛋糕、鬆脆曲奇等,唔少茶飲都聲稱無糖同使用新鮮水果製,試咗一款排毒果蔬,紅火龍果蘋果 $36,富含膳食纖維,有如沙冰,質感綿密細緻,飲落清新,紅火龍果本身輕定甜美,唔熱氣又幫助消化同排毒,攪拌成果汁既紅火龍果帶有微甜感,加上蘋果香甜味,夏天好解渴。

小店不單有茶飲,仲有各類即食烘焙食品,包括$15/包或$40/3包嘅各款果乾、曲奇、Brownie、蛋糕,全部獨立包裝,夠晒衛生。果乾以原塊水果果肉炮製而成,而各款茶味蛋糕亦聲稱不加茶精,以茶製成,味道更香濃。

兩個人拍拖可以去幫襯吓良心店,做吓文青情侶呢!

延伸閱讀﹕上環特色咖啡店x茶記 中西合璧應該快食定慢食?

延伸閱讀﹕大阪過江龍人氣拉麵店抵港 全港獨有鯛魚湯

心事如塵茶食亭

上環皇后大道中255號曼哈頓大廈地下G01B號舖
12:00 – 21:00
2784 1882

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


在〈本地插畫師開設 上環療癒度高茶食亭主打果茶輕食〉中有 1 則留言

留言功能已關閉。