葵芳最近有一間新開業嘅日式料理店，小店以山下見命名，的確有幾分日本感，室內亦有日本街頭小店feel，疫情期間去唔到日本旅行，不妨平平哋食吓日本嘢，當止吓旅行癮啦！
以山下見命名嘅日本料理，位置靠近職業訓練局青年學院，室內裝潢簡潔，加上日式風格旗仔，有幾分日本小店感覺。從餐牌可見，餐廳主打卷物、刺身、壽司、丼飯、便當，作為良心小店，有別於大集團，比較用心製作，質素較高。
原條鰻魚飯 $88係其中一款便當，價錢合理，便當內有前菜、主食、配菜、白飯，一人份量都好恰當。前菜係玉子同中華沙律，酸甜味幾fresh，而鰻魚係原條上便當，一般香港嘅鰻魚便當好少原條上，通常只係幾舊，原條唔會低過$100，今次的確有驚喜。鰻魚燒得表皮焦香，魚肉肥美又軟嫩，性價比好高！
呢間日式小店係拍拖之選，亦係兩個人去葵廣以外嘅平食推介。
【Like Facebook 緊貼最新資訊，一個Like一個鼓勵，支持原創文章，向Content Farm說不。】
E.A.Tips﹕
可以預先去Whatsapp 9543 6548落訂單，縮減等候時間。
延伸閱讀﹕葵芳薑主題飯麵有幾薑？ 薑味飲品堅夠薑
山下見日式料理
葵涌仁芳街2-14號美豐大廈地下9號舖
9543 6548
在〈葵芳新開張日料店抵食便當 肥美原條鰻魚CP值極高〉中有 6 則留言
留言功能已關閉。