荔枝角公園(港版愛麗絲夢遊仙境)

隱藏版荔枝角公園 驚現《愛麗絲夢遊仙境》小秘景

[sig_post_pv label=”瀏覽:”]





美孚嘅荔枝角公園係一個被美孚新邨重重包圍嘅公園,既適合親子玩樂,又係居民跑步之地,亦適合拍拖散步,充滿中式風格嘅庭園亦適合拍攝人像,古色古香,曾一度為電視劇製作熱門地,同時吸引咗無數龍友拍攝cosplay model。到荔枝角公園打卡嘅朋友大多會行嶺南之風,但其實園內有一處非常罕見嘅小秘景,場景十足十《愛麗絲夢遊仙境》,帶有幾分浪漫感覺,不妨兩個人去影吓相啦!

Like Facebook 緊貼最新資訊,一個Like一個鼓勵,支持原創文章,向Content Farm說不。】

荔枝角公園設施多蘿蘿,既有游泳池、體育館、圖書館,亦有可瀡滑梯同盪韆鞦嘅遊樂場、緩跑徑,甚至網球場、足球場、溜冰場等,更不用說園林設施。而嶺南之風更加係一個滿滿傳統中式風格嘅庭園,亭台樓閣亦好有建築藝術,加上小橋流水,鳥語花香,窗明几淨,可感覺片刻寧靜,清雅寫意,而無論拍攝風景定人像都可輕易達到一流水準。

今次發現嘅小秘景係一個兒童文學作品《愛麗絲夢遊仙境》(Alice’s Adventures in Wonderland)迷你版場景,藍白色尖頂小屋、白色韆鞦,加上小花園,夢幻感滿滿,令園內增添幾分浪漫感。小秘景位置只係一個小角落,佔地唔多,比較偏僻,似足荔枝角公園嘅一個後花園。

延伸閱讀﹕被美孚新邨包圍 星球主題下嘆下午茶

隱藏版嘅荔枝角公園絕對係一個寶藏,亦係拍攝人像同打卡嘅小秘景,以後去荔枝角公園唔使淨係去嶺南之風啦!

延伸閱讀﹕三不管地帶古色古香 九龍寨城神還原清代園林

延伸閱讀﹕饒宗頤紀念館環境清靜 最啱拍拖散步

延伸閱讀﹕「港版金閣寺」禪意古色庭園 南蓮園池規矩多爭議更多

延伸閱讀﹕皇后山隨時行足2小時? 教你2分鐘去到印度廟

延伸閱讀﹕愛德華風格文青後花園 走訪尖沙嘴紅磚塔望維港

E.A.Tips﹕

(1)靠近美孚巴士總站,巴士路線2A, 2X, 6C, 6D, 38A, 46X, 86,98C,98S, 102, 102P, 886, N122, N260, N269, N237均可抵達。

(2)位置比較偏僻,靠近極限運動場、公園辦事處,但基本上沿天橋行,落到底可直達小秘景。

(3)記得唔好喺園內行人路踩單車或滑板,去到園內合適嘅場地先好踩。

(4)夏天天氣炎熱時記得帶備充足水之餘,帶埋防曬同蚊怕水。

荔枝角公園

荔枝角百老匯街
24hours
2307 0429

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!