一般人去坪洲行山，都會行手指山，但除咗手指山同銀洲仔亭，其實仲有另一個充滿天涯海角感覺嘅好地方，夏天想行山嘅話，要避免汗流如雨，當然要揀短遊路線啦！坪洲由東灣海灘行到釣魚翁石，再經坪愉徑返回大利灣碼頭，就可以感受另一個人流稀少嘅天涯海角。
海旁往手指山小路 
往手指山樓梯 
手指山山頂 
雖然坪洲面積只得長洲三份一咁大，但據悉，坪洲將會被政府興建大型人工島新市鎮，目前絕對要留低超靚嘅坪洲景觀，因為優美風景隨時會剎那間消失。
坪洲商業電台信號站
沿東灣海灘方向行走，喺海灘左面海邊小路直行到尾，可以一直去到釣魚公觀景亭指示牌，一直沿路進入，會見到唔少農地，再繼續沿發射站指示牌而行，會經過蕞林同商業電台信號站，再沿路走，可以到達海邊位置，到達釣魚翁石之前，會先見到一個無人沙灘。由於沙灘人跡罕至，垃圾都難以搵到，絕對係一個休憩好地方，而海水而非常清澈，水質難得地好。
由涼亭往下落會到沙灘 
折返原路，繼續向前行，放眼會望到對岸係香港迪士尼酒店、青馬大橋，景觀遼闊。再沿山徑路段向下而走，會到達另一個涼亭，下面就係釣魚公石位置，有少量樹蔭同涼亭，涼風吹拂，不時可以聞到海水鹹味，小沙堤有幾分似一個會隨時被海水淹沒大半部份嘅連島沙洲。
下面就係釣魚公石位置 
沿坪愉徑而走，會發現一個又一個小沙灘，不單有心形石可以打卡，而且大多數沙灘都人流稀少，可以真正放空一下，喺岸邊吹海風、睇夕陽，拍拖兩個人Hea足半日極寫意。
E.A.Tips﹕
（1）沿坪愉徑、家樂徑圍繞一圈而行話長唔長，話短唔短，最好帶多支水，確保有充足補給。
（2）沿路有唔少地方無遮蔭位，所以最好搽定防曬，噴定蚊怕水，帶定遮去。
（3）由坪洲東灣海灘行到釣魚翁觀景亭，會途經農地、商業電台信號站，少量上落，大部份平坦路段，大概30分鐘可到達釣魚翁石。
（4）由釣魚翁石返回大利島碼頭，沿坪愉徑而走，會經過多個沙灘，同樣大概需時30分鐘。
（5）由中環乘搭渡輪，僅30至45分鐘就到達坪洲碼頭。
（6）若中途嫌路段長，可隨時從支路折返，縮短路線。
延伸閱讀﹕Chill歎懷舊黑牛白牛 坪洲茶記蝦膏炒飯超有鑊氣！
延伸閱讀﹕只有3個選擇 坪洲極神秘嘅海邊咖啡店Secret Cafe
延伸閱讀﹕坪洲牛皮廠活化秘密花園 秒變裝置藝術空間
釣魚翁石 / 坪洲史諾比石
坪洲家樂徑
在〈30分鐘走訪坪洲另類天涯海角 行無人沙灘兼睇釣魚翁石〉中有 5 則留言
留言功能已關閉。