坪洲向來係一個好愜意嘅地方，據悉政府即將會喺坪洲興建大型人工島，要為坪洲留倩影就要及時。大利島碼頭係一個黃昏必去嘅景點，既適合垂釣，更適合觀賞夕陽，沿碼頭旁邊小路進入，仲可以見到一個相當有趣空間，直行到尾亦可以到達一個小灘，屬另一處休憩賞景之地。
從坪洲碼頭向左直行，末端會見到大利灣碼頭，其實此處原本稱為大利島，本身有一座灰泥廠，目前有廢物轉運站、污水處理廠。大利橋有一座小燈塔，橋上不時有釣客垂釣，空間十足，從橋上可遠眺香港迪士尼樂園、愉景灣，環境恬靜，海風清涼舒適，拍拖散步都好適合，兩個人不妨浪蕩一下啦。
步出大利橋，對面有一條小路，沿路進入會發現另一個小天地，一排大榕樹下，平常有唔少人喺樹下乘涼，目前小路旁邊演變成一個趣味空間，整個空間以廢物、雜物堆砌而成，包括有兩個以廢棄車胎同繩索造成嘅韆鞦架、小型單車等。
再沿小路進入，可以見到一個小灘，小灘上有心形石堆，小灘不受污染下，更顯水清沙幼，環境舒適，腳底踩住唔少貝殼或珊瑚碎，有幾分似一個世外桃源，不過遮蔭位比較少，但可以近距離觀賞無敵海景，沿海散步，閑靜、舒逸，絕對值得一遊。
E.A.Tips﹕
（1）由中環碼頭乘搭渡輪去坪洲，大概需時30至50分鐘。
（2）由坪洲渡輪碼頭行到大利灣碼頭，會經過坪洲海濱遊樂場、翠濤花園、直昇機坪入口。
延伸閱讀﹕Chill歎懷舊黑牛白牛 坪洲茶記蝦膏炒飯超有鑊氣！
延伸閱讀﹕只有3個選擇 坪洲極神秘嘅海邊咖啡店Secret Cafe
延伸閱讀﹕坪洲牛皮廠活化秘密花園 秒變裝置藝術空間
延伸閱讀﹕30分鐘走訪坪洲另類天涯海角 行無人沙灘兼睇釣魚翁石
大利島碼頭
坪洲坪利路大利
24hours
在〈大利島碼頭黃昏熱點 坪洲延伸小路走入趣味空間〉中有 5 則留言
留言功能已關閉。