滿腹食堂

大埔人隱藏版食堂 濃味豚肉生薑飯 特價手卷低至$5!



位於大埔嘅日式食堂,係大埔人嘅私伙飯堂,位置隱蔽,都可以算得上係區內嘅隱藏版食堂,值得拍拖去試吓。小店主打港式Mix日式美食,價錢幾抵食,最吸睛嘅地方係加$5有一份手卷,不過小編兩個人叫咗兩大碗丼飯,所以未有再叫到手卷。

店內最特別係文宣當牆紙,重有張貼住一幅又一幅日式漫畫,甚有意思。菜式有丼飯、拉麵、烏冬,而牆上亦有一幅幅丼飯介紹,可以參考吓呢!

Set Lunch價錢合理,花見月和風牛肉飯 $43 飯量極多,男人都夠食,但女仔就會覺得過多,望到都覺得飽肚。牛肉醬汁唔太多,牛肉不過不失,份量充足,部份軟嫩,但部份偏韌。而附送嘅蛋為8成熟嘅蛋,對比流心蛋係稍為失色,不過蛋為花形,略有蛋香,味道都算可以接受。



反而牆壁上掛畫宣傳嘅人氣豚肉生薑飯 $43 就有驚喜,醬汁雖然都唔多,但豚肉入味,軟嫩易入口,有濃郁香味,生薑味亦好重,份量亦充足。

飲品不過不失,凍水蜜桃味道稍淡,凍檸茶有啲奇怪,有啖啖香茅味,係幾特別。

延伸閱讀﹕大埔近30年滷水專門店 $58街坊價食滷水獅頭鵝

延伸閱讀﹕【2021賞花地圖】浪漫紫藍花海!嘉道理農場高雅藍花藤開花 罕見密集白花油麻藤小花園 睇埋紫花風鈴木/榮光花

延伸閱讀﹕【2021賞花地圖】激罕墨染櫻! 大埔海濱公園一隅遍佈富士櫻 雨後櫻花更顯立體感


E.A.Tips﹕

(1) 跟餐凍飲加$4,加$5重有份手卷。

(2) 只需於枱面點餐紙點餐就得,店內牆上有紙仔寫住食物即叫即整,唔好催促。

(3) 小店位置於昌運中心,但需有安慈路轉入安邦路,靠近大埔文娛中心。

(4) 巴士路線71B,71K,72C,72X, 73,73B,73X,74B,74K, 74P,74X,75X,263C,271, 271B,271S,272P,272X, 307,307P,907C,A47X,E41, N42A,N42P,N271,N307,NA47 都可到達大埔中心總站,步行約3分鐘即達滿腹食堂。


滿腹食堂

大埔安慈路4號昌運中心地下83-84號舖
11:30 – 22:00
2563 2388

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


在〈大埔人隱藏版食堂 濃味豚肉生薑飯 特價手卷低至$5!〉中有 1 則留言

留言功能已關閉。