Southside Lantau

梅窩鮮為人知秘店Southside Lantau招牌香草脆皮烤雞 最平$30/隻雞髀!

[sig_post_pv label=””] 個人瀏覽過





梅窩有幾間良心小店,公開嘅有,如以港女下午茶出名嘅麥生記冰室,而隱藏嘅亦有,就好似以下呢間以烤雞為主嘅小店,絕對係鮮為人知,拍拖兩個人撐枱腳亦好適合!

小店靠近銀灣邨,離梅窩渡輪碼頭只係8分鐘腳程,其實非常方便,不過店主並無公開同路人身份,只有其他同路人認證,故記者得知其存在,加上支持大嶼小報,有啲嘢的確唔需要講到明。店內有1名外國人、2名本地人,以美國菜為主打,包括漢堡、三文治、烤雞、炸魚等。

Cowboy Burger $88,如套餐加2份小食$108,加3份小食$118,採Texas德克薩斯洲風格,配搭燒炸醬、香脆炸洋蔥、生菜、蕃茄、牛油果醬,漢堡包被稱為牧羊人漢堡,以牛油紙包裹,漢堡包厚身,麵包上有陣陣芝麻香,牛肉厚實有牛香,最特別係將洋蔥炸成金黃色,甚脆口,而燒烤醬帶香口而牛油果醬則有啖啖清新感,蔬菜加牛油果醬都可中和漢堡內餡帶出嘅膩感。



招牌烤雞Rotisserie Chicken 香草脆皮烤雞係店內必食之選,分900g、1200g,先以香草、美國香料粉醃製雞肉,再以慢烤方式炮製,每件雞都保持外脆內軟口感。最平選擇係Spiced Whole Chicken Leg $30/隻,套餐加2份小食$48加3份小食$58

小食當中有椰菜沙律、薯仔沙律、煙肉炒豆角、眉豆炆豬手粒、忌廉粟米粒、薯波、蜜桃批、米通,當中薯仔沙律夠清新,適合作前菜,而且有美國南部口味,果然係Southside;而蜜桃批則層次豐富,批內似蛋糕質感,略帶濕潤,以粒粒罐裝蜜桃作內餡,夾雜香甜味道,適合作甜品。

延伸閱讀﹕賣靚啡撐本土 梅窩海邊咖啡店Caffe Paradiso 軟包似upgrade版「豬柳強」?

延伸閱讀﹕更快到起點方法! 快閃大嶼山路線東梅古道 輕鬆由東涌行到梅窩睇銀礦灣瀑布


E.A.Tips﹕

(1) 小店逢星期一、二會休息。

(2) 堂食座位於馬路邊,亦可叫外賣。

(3) 逢星期四17:00至20:00 會有雞翼之夜Wing’s Night,$6/隻雞翼,最少叫6隻,需要叫唔同口味,任叫任食!

(4) 店內同時有素食選擇。

(5) 香草脆皮烤雞係星期五、六、日限定款式。


Southside Lantau

大嶼山梅窩銀礦灣路銀景中心10號舖地下
星期三至日及公眾假期 10:00 – 18:00
9627 2441

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


在〈梅窩鮮為人知秘店Southside Lantau招牌香草脆皮烤雞 最平$30/隻雞髀!〉中有 2 則留言

  1. 自動引用通知: 【美國偽旅行】穿越邁亞密探索海量棕櫚樹 港版千島群島景觀開揚 爽歎美式口味漢堡Comfort Food – eatwo 兩個人醫吓肚

  2. 自動引用通知: 【黃店巡禮】梅窩3間秘密外國風小店 有1間係隱藏版便利店 – eatwo 兩個人醫吓肚

留言功能已關閉。